[忽然一週第938期]馬國明續約換視帝
共 5280 浏览 13 回帖&&
积分: 33282
发帖: 75834 篇
在线时长: 2915 小时
[忽然一週第938期]馬國明續約換視帝
[忽然一週第938期]娛樂喧 加簽五年雙倍人工 馬國明續約換視帝
無綫戲劇製作總監曾勵珍原定安排愛將陳展鵬擔正的《巨輪》和視帝祥孭飛的《巾幗 3》做台慶劇，但為了力谷《 On Call II》馬明做視帝，兩套劇局住讓路。
近年多位無綫男藝人北望神州賺人仔，一線小生買少見少。單靠請外援回巢拍劇，一次性交易唔多化算，唯獨捧親生仔上位最實際。不過隨住愛將林峯同鄭嘉穎減產，當紮小生剩低唔多，而去年憑《 On Call 36小時》「一件頭」一角奪得台慶「我最喜愛的電視男角色」獎的馬國明，勝在聽話又肯捱，終於輪到被力捧。據知無綫早前以雙倍價錢及將《 On Call 36小時 II》轉成台慶劇利誘他續約 5年，力捧他做今年視帝。日前，風騷馬明亦向本刊承認已動筆續約。
《 On Call II》搶閘有老戲骨吳啟華回巢做陪襯，加上馬國明同楊怡這對熒幕情侶坐鎮，更有高層關照，將《 On Call II》提前播出，馬明想奪視帝，舉手咁易。
39歲的馬國明， 00年加入無綫，發展一直比同期小生林峯、黃宗澤及吳卓羲落後。直至去年他與楊怡擔正《 On Call 36小時》，成為全年收視最高劇集，無綫才當他是寶，讓他奪得大馬視帝及台慶「我最喜愛的電視男角色」獎。據知馬國明與無綫仍有為期年半合約，不過早前 TVB已邀他傾續約事宜。
雙倍銀彈留人
喪刨劇本周日（ 14日），馬國明到尖沙嘴出席完《衝上 II》宣傳，又趕回電視城拍古裝劇《寒山潛龍》。趁未夠鐘，他先上 canteen刨劇本，勤力過唔少小生。
其實自去年陳國強入主無綫，已一改以往慳儉作風，就連主席梁乃鵬和樂易玲都講到明會「以銀彈留人」。而一向聽教聽話的馬國明，無綫留他當然不會手軟。據知情者透露：「馬明下年尾先約滿無綫，不過早兩個月已經有人同佢傾約。其實加人工都係其次，馬明最想返大陸拍劇。上年佢拍《名媛望族》同《衝上 II》，公司幫佢推咗四套內地劇。佢都有啲唔開心，同經理人呻過。無綫知道佢想出去搵錢，都應承佢拍埋《寒山潛龍》，睇下有咩好嘅內地劇本幫佢接，而騷價亦由八千加到萬四。咁馬明都覺得條件滿意，即刻動筆簽約。」
踢走《巾幗 3》
衝上 II坐歪《衝上 II》有吳鎮宇同張智霖孭飛，馬國明雖做陪襯，但他和江美儀的「母子戀」，成為坊間熱話，而《衝上 II》首集更有 35點高收視。
後繼無人，難得馬國明肯應承續約，無綫即時變陣將《 On Call 36小時 II》轉做台慶劇，力捧他做視帝。「珍姐嗰邊一早講到明會力谷黎耀祥套《巾幗 3》同愛將陳展鵬套《巨輪》做台慶劇。最初高層冇乜意見，不過之後有高層話祥仔都攞咗三年視帝，佢又唔係無綫親生仔，與其益外援，不如捧個自己人做視帝。至於陳展鵬，佢哋又覺得佢仲未成氣候，驚佢孭唔到飛，所以咪順水推舟谷馬明上，到時馬明攞完視帝啲騷價升，連帶無綫都有得着。」
馬明：你哋都知？
去年馬國明憑《 On Call I》的「一件頭」奪得我最喜愛角色獎項，今年馬明再有望憑《 On Call II》奪視帝，辛苦十年，終於有回報。
對於續約無綫，日前記者訪問馬國明。他大方承認：「係呀，早排續咗約。公司對我好好，原先公司想我再簽長啲，不過我覺得 5年已經好夠。（知道無綫加咗雙倍人工俾你喎？）薪酬嘅加幅係好滿意，不過實際數字我就唔講啦！（你嘅續約條件之一係想拍內地劇？）係有反映過，上年拍劇都撞咗幾套拍唔到，我都想見識一下內地嘅大製作。」其間馬國明突然又轉口風話：「其實唔返內地拍劇都冇所謂，好似祥仔咁，當年佢原先接咗套內地劇，最終推咗返嚟拍《巾幗》，都冇諗過柴九咁爆啦。所以依家接唔到都唔介意嘅！（知唔知無綫變陣，將《 On Call II》安排做台慶劇，谷你做視帝喎？）吓！你哋都知！我冇乜所謂嘅，最緊要套劇多人睇，獎項都係其次。」隨住鄭嘉穎、林峯長駐內地搵人仔，筍盤豪成家立室減產，等足十年嘅馬明，仲唔食住上？
《衝上 II》首播高開 35點，劇中馬國明以往演開戇直青年、傻傻更更角色，不過今次他在《衝上 II》中一改戲路，與張智霖一樣，演風流機師。劇情講他周旋在陳倩揚、林芊妤及江美儀三位空姐之中，他與江美儀更會有不少牀戲及咀戲，相當露骨。
一向易話為的馬國明，首集更被擺上枱，與過氣女友胡定欣在機艙一輪鬥嘴戲。不過馬明風流有代價，腳踏三船的他，與空姐女友陳倩揚、林芊妤同艙，賤史即場被踢爆，馬國明慘被兩女狠摑兼飛起。
情傷未癒的馬國明，遇上與鄧梓峰離婚的江美儀。痴男怨女一拍即合，兩人仲搞到上牀。最初二人維持有性冇愛關係，但其後上牀上出真愛，最後「母子戀」開花結果。連馬國明都話今次是最多咀戲的一次。
過往不少藝人與無綫續約後，都不約而同有視帝攞，所以今次馬明續約，絕對是明智之舉。
早年霉爆的鄭嘉穎， 04年投靠無綫簽約做親生仔， 06年憑《天幕下的戀人》攞視帝後， 11年再梅開二度憑《怒火街頭》做三料視帝。事後他否認以約換獎，不過就爆響口話早年已簽了長約。
憑《巾幗梟雄》及《義海豪情》兩奪視帝的黎耀祥，去年自爆與無綫加簽兩年約，最後憑《大太監》三奪視帝，因而傳出有造馬之嫌。至於另一視帝熱門林峯亦傳出因失獎而拒絕與無綫傾續約。
07年，陳豪憑《溏心風暴》揮低夏雨同歐陽震華，首奪視帝及「我最喜愛的電視男角色」兩獎，不過其女友廖碧兒卻傳出因拒簽無綫 8年長約而失獎。
撰文：娛樂組
攝影：攝影組
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
' + newItem.onLineCount+ '' + newItem.name + '';
NTES.ajax.importJs(url, function() {
var len = hotLive.
if (hotLive != '' && len != 0){
for (var i = 0; i < len-1; i++) {
var boboItem = hotLive[i],
isLive = boboItem.live,
liveHref = isLive ? boboItem.liveUrl + boboStatTag : "/" + boboStatTag,
boboLiveStat = isLive ? '' : '',
boboHtml = '';
html += boboH
if(i === 0){
html += newH
NTES(".bobo-list").attr("innerHTML", function() {
return this.innerHTML +
}, "utf-8");
}, "utf-8");
积分: 33283
发帖: 75834 篇
在线时长: 2915 小时
第 938 期 Sudden
ENTERTAINMENT
打頭陣 加國直擊 陳豪送樓送車獎勵 陳茵媺一索得男
滾熱辣 爆吳積遜部署破產 江欣燕離婚避債
滾熱辣 放蛇導賞團 零團友＊旅客撐港姐慘變孤兒仔
滾熱辣 老公黃浩收購《都市》 徐淑敏背後發功
娛樂喧 加簽五年雙倍人工 馬國明續約換視帝
娛樂喧 逼老公做恩愛騷 黎淑賢挾四子拒離婚
媽咪姐 攞命o靚模玩殘書展
媽咪姐 書展四美圖
媽咪姐 搞唔掂版權 《衝上II》迫住用Lam歌
媽咪姐 玉女幻滅呀！
媽咪姐 VVIP關之琳 嘆住香檳試靚鞋
媽咪姐 鄭俊弘谷肌封歌神
媽咪姐 龍小Miss補習試班又錯字
媽咪姐 防腐老師徐子淇
媽咪姐 兆輝搶贏家輝拍雷神新戲
媽咪姐 蔡一智金Look無人So
媽咪姐 Joey競步嚇壞細路
媽咪姐 猷啟愛大胸
媽咪姐 熟模出招
博出位 Amazing Summer
出外埠 Rain孤獨退伍
出外埠 金泰希行霉運
出外埠 娜姐有仔初長成
出外埠 《吉列》仔一路好走
揞名爆 「蟲蟲」慳得鬼祟
揞名爆 「牛仔」靠黐勁孤寒
好惡搞 咁嘅body着乜都冇用
搜機控 吳若希嚮往外遊
IQ考考笑 食乜嘢昆蟲會瘦？
巡星舖 初戀嗱喳麵
單人訪 八千里路雲和月 杜燕歌
有性訴 有性有愛 Carol楊焉
名人潮 思前戀後
亞熱帶 楊冪 是非谷票房
歐洋風 AMAZING SUMMER天后版
INFORMATION
洛天紫微 鼠 愛情保鮮
蒲台睹 蒲台睹
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33284
发帖: 75834 篇
在线时长: 2917 小时
[忽然一週第938期]單人訪 八千里路雲和月 杜燕歌
有些人的名字，已經是一個故事。眼前這人北京出生，北京又名燕京，先來個燕字。父母是歌唱家，寄望兒子也能在音樂造詣上有所成就，再來個歌字。
杜燕歌，彷彿注定與聲音有緣。未拍《金枝慾孽貳》之前，他是香港首席普通話配音員，配過四大天王，也配過電視台所有一線小生。最威水那次是配《重慶森林》，把梁朝偉送上金馬獎頒獎台。梁朝偉做了金馬影帝，杜燕歌也有個美譽，叫「話筒前的影帝」。
這「影帝」本身的遭遇，其實比電影更富戲劇性。歌唱比賽冠軍原要往日本受訓，他卻跑去做二等公民；曾經風流瀟灑，老婆卻跟初戀情人瀟灑走了；被人騙盡家財，卻又能東山再起教鬼佬吃北京菜。
營役半生，吃盡苦頭，也嘗過富貴，走了何止八千里路？最近重返幕前，從頭收拾舊山河。
「我嘅一生真係行咗好多路，但無悔無憾。」
今周播出的兩套新劇都能見到杜燕歌，一正一邪，渾身是戲。
如歌燕子，原來早已化身臥虎藏龍。
北京出生的杜燕歌，母親瓜爾佳氏為滿族正黃旗人，他自出娘胎便有奶媽有傭人，他是《金枝慾孽》裏最金枝玉葉那個。父母是中央民族歌舞團裏的歌唱家，國家有保護少數民族政策，文革沒有受到半點苦頭。
「住我們樓上的是鋼琴家和舞蹈家，住旁邊的是樂團指揮，自小耳濡目染。爸爸媽媽也想教我唱歌，但教不到一會就會忟憎：『教極都唔識，咁蠢o架你！』我都喜歡唱歌，但心底裏最想做的，是冒險家。」
他小時候絕頂頑皮，最愛爬上五十米高煙囱，再在上面跑圈，只要稍有差池，往裏跌往外跌都死。踩單車，攔頸撞上晾衫鐵枝，失聲幾個月。
「其他?仔嚇到賴尿的玩意我最鍾意，型嘛！其實我應該死了好幾次！越曳的小孩轉數越快，我應該就是這種。」
陽光燦爛的日子只去到十八歲， 75年，父親不想兒子被分配到工廠，決定南下來港。杜燕歌從未聽過廣東話，在尖沙嘴火車站下車，只在想能否爬上這鐘樓。
「好唔慣，路又窄，人又多，天氣又潮濕……」
最不慣，是沒有人再俾面金枝玉葉。
「返夜校學英文，肚餓，想買個麵包，士多老闆對我說：『你用廣東話講吖，我就賣俾你！』我掉頭便走。我又不是偷不是搶，你為何這樣玩我？細細個已很有傲氣，情願捱肚餓，也不要看別人臉色。」
侮辱向來是最好的激勵，他當時住北角，日日跑去春秧街街市站上幾個鐘，一邊聽一邊看，不用三個月就學會廣東話。他做過船廠工人，幫輪船剷鐵銹，一抹汗，成身是血，原來鐵砂已滲進皮膚。再做五金廠搬運工人，搬貨時撞到胃部，得了內傷。
「再做下去，真係會死人。看到邵氏招考第一期演員及配音員，想都不用想，立刻去，結果兩邊都給我考到了。」
參加歌唱比賽入行後造型，這個唇紅齒白 look，當年冧死女。
華星大師兄，與梅艷芳和張國榮皆熟落。二人後來往澳洲登台，杜燕歌有份接待。
不愛江山愛美人
杜燕歌年輕時的樣子，不用我講，大家請看舊照。可是那年代流行秦漢、鄧光榮這類較有男人味的小生，杜燕歌比他們年輕十多年，太?。
「見方小姐（方逸華），她說：『呢個小朋友都幾靚仔，但擔大旗又未得，都係配音先啦！』」
他的普通話字正腔圓，很快便勝任。戲也演過幾次，但只是客串。這才醒覺，自己其實最愛唱歌。他跟過秦燕學唱歌， 79年華星剛成立，舉辦了一場歌唱比賽，因為還未與無綫掛鈎，因此不算是「新秀」。杜燕歌唱〈明日天涯〉拿了冠軍，他樣子煞食，華星一度打算力捧他。
「只是當年年少氣盛，又交了女朋友，女朋友不想我去日本受訓，華星剛成立不久又沒有甚麼長遠計劃，我見一時三刻沒有發展，反正配音也能搵到食，索性解約了。是有點遺憾，如果肯堅持多一兩年，說不定可以和梅艷芳和張國榮一起上。」
女友為已移民澳洲的新加坡人，愛杜燕歌愛得要生要死。這女子，改變了他之後的路。
「我當年走在彌敦道，幾次有女仔拍我膊頭，然後遞張寫有名字和 call機號碼的字條過來，想跟我做朋友。我當然沒有睬她們，怎知人家是甚麼人？女友嚷着要結婚，我又幾鍾意佢，結就結吧！」
他當時已經常往台灣、東南亞一帶登台，還有 fans接機。但他不愛江山愛美人，婚後移民澳洲，做朝九晚五的打工仔。只可惜，美人很快變心。
「我為她放棄了事業，她卻說還是喜歡初戀男朋友！我好嬲，亦好傷，我是從來不打女人的，但就打穿了家裏的牆。她一邊流淚一邊替我包紮傷口，求我給她三個月時間。我答應了，就當是給大家一個冷靜期。我說：『假如你三個月內回來，你仍是我太太；否則，我們只可做朋友。』我還親自送她去機場。她五個半月後回來，說還是覺得我最好，我說：『對不起，你遲到了。』你玩完玩罷才覺得我好？我實在再傷不起了。」
《金枝貳》的說書人章爺，就是杜燕歌的前半生。「當中有句對白：『你以為你唔唱，喺個台上走落嚟就真係享清福咩？喺台上個個都捧你，當你唔唱時就乜都唔係！』正正就係我低潮時嘅心態。」
《衝上雲霄Ⅱ》雖不是主線，但也是位機師。
《師父?明白了》飾大壞人，奸到出汁那種。
婚姻失敗，杜燕歌在澳洲舉目無親，想把父母和妹妹申請過去。為了證明有經濟能力，每天打四份工。
「早上教領事館家屬普通話，之後去餐廳捧餐，晚上在酒吧做調酒員，跟着再到唐人街夜總會唱歌，回家已是早上四時。由細到大從未 serve過人，那時倒瀉少少水都被罵到狗血淋頭。好心酸，但你要不要吃飯？當你明白了就自然會做，只不過做的時候不開心。」
他交了一些華人老友，但豪邁性格改不了，居然把家裏鑰匙給老友，人家便在他家打躉兼打邊爐。樹大有枯枝，老友不知惹來甚麼人，知道他大多時間不在家，居然駛來貨車，把所有傢俬電器財物洗劫一空。
「連衣櫃裏六條新底褲也拿走了，全家只剩一張牀褥。最慘是他們拿了我的證件四處借錢，聯邦警察一度通緝我，我的戶口立刻被凍結，連吃飯也沒錢。」
四份工作的僱主見他是疑似罪犯，立刻終止他的工作。他身上的錢最後也花光了，惟有硬着頭皮問開餐廳的意大利朋友要麵包。
「他每天收舖時總有麵包賣不完要丟掉，我就請他留兩個給我，一個做晚餐，一個做早餐，多也不要，中午肚餓就喝水喉水，喝到肚脹便不覺得餓。就這樣吃麵包吃了兩個月，警察查清楚不關我事，這才回復原狀。」
無妄之災，杜燕歌活得只剩半條人命。
「流了很多眼淚，所有寃屈都往肚裏吞，又不敢告訴父母。夜闌人靜時也問過自己，咁辛苦到底值不值？可能我性格不服輸，我移民時朋友都說我怕悶，一定三個月內回頭，我不想被人睇死！況且，梅艷芳張國榮都出頭了，我還回香港幹嗎？」
打掉門牙和血吞，慶幸他肚內還有一口氣。
「經歷了挫折，反而悟到很多人生道理。可能我小時候太有福氣，中年便要還。人是不會一帆風順，既然要還，不如早還。」
人去到谷底自然會反彈，不久之後他儲到第一筆資金買了間餐館，做北京菜。
「我才不要做呃鬼佬那些咕嚕肉、炒雜碎！你不懂吃片皮鴨嗎？我教你吃，我凡事親力親為。廚師要跳槽，我把股份拿出來平分，大家都是老闆，這就能全心全意賺錢了。」
呢個女仔，似我！
他的北京樓，曾是澳洲東岸知名的餐館；父母和妹妹的移民早辦妥了，他的身家也翻了幾番。八十年代尾有次回港度假，貪得意跟朋友去藝人之家，想不到又改變了之後的路。
「去到見到很多熟悉的面孔，感覺很親切，之後便經常 BBQ、遊船河。當時我對 Mary仍未有感覺，有次我說我回澳洲的機票仍未 book到，豈料她說：『得，我識人，我幫你搞！』我心想，『呢個女仔咁爽嘅，似我喎！』這才開始留意她。大家通下電話、寫下信，長途電話費最初每個月幾千，後來變幾萬，大家都知乜事啦！我話唔得喇，我叫佢買張機票來澳洲。」
杜燕歌口中的 Mary，就是我們熟悉的韓馬利，兩人 89年在澳洲結婚。
「 Mary愛熱鬧，在澳洲住了幾年後，我知道她心裏仍想拍戲，商量過後便把餐館賣了，一起回來。我以為做生意哪裏都可以，豈料回來後被人捉了去配音，一配就配了二十多年！」
杜燕歌和韓馬利兩人都經歷過婚姻失敗，如今都很珍惜對方。大家看 Mary姐仍如少女一般表情（左），就知兩人生活愉快。
《蘋果日報》圖片
雙魚座冒險家
人的際遇也真的沒話說，杜燕歌的前半生跟着第一位妻子走，下半生又跟着韓馬利回來。
「唉，我呢啲雙魚座，愛情至上，為女死為女亡呀！」他大笑。「雖然我的人生好像是跟着兩個女人走，但我無悔無憾。不是第一位太太，我和家人不會有機會移民；不是 Mary，我不會再回到香港，更加不會拍戲。值不值這回事，看你怎衡量，活得開心，甚麼都值。現在回望，都是值得的。」
拍電視劇前，杜燕歌已是配音組的大哥大，一線小生羅嘉良、歐陽震華、林保怡、古天樂、馬德鐘、陳豪、黃子華等等的劇集都是由他配。有天在電視城煲煙，《護花危情》監製劉家豪走過，看見這人氣宇不凡，死命要他演黑幫大佬一角。及後輪到戚其義留意到他，《金枝貳》的章爺壯志未酬潦倒半生，根本就是杜燕歌的前半生。
「以前唱歌拍戲是賣靚仔，現在則是賣人生閱歷。幸好我今時今日才變成這個樣子，如果當年在澳洲也是這個樣，話無打劫都無人信呀！」
活了 57年，原來一笑已經風雲過。事業他向來隨遇而安，倒是出年便是結婚 25周年，他這個「雙魚座」，心裏其實已有點想法。
「 Mary做慣大家姐，我又係大哥大，其實火星撞地球。她喜歡去巴黎、東京，我就喜歡去武夷山和新疆，我仍然很愛冒險。旅行一定會去，大家相就囉，夫妻相處，只看她優點，不要記她缺點。」
冒險家的故事，肯定仍會繼續下去。
後記的相片當然要有點不同，才不浪費這一版的意義。杜燕歌今天扮演了幾個不苟言笑的大哥造型，其實他真人和譪親切，這個「四萬」樣子才是真實寫照。
「會唔會繼續拍戲真係好難講，因為我最鍾意都係賽車同旅遊。我已同 Mary講好，將來假如我有乜大病都唔使醫，即刻去環遊世界，生命喺邊度完結，就將骨灰撒喺嗰度，人生就無憾喇！」
有歷練的人，總是看得特別透徹。畢竟功名只是塵土，最後能帶走的只是回憶。
期待再看你的演出，杜大哥請保重，還是不要太早環遊世界。這年頭，大家也請保重。
撰文：林蕾
攝影：袁家樂
協力：李梓軒
錄像：湯文峯、盧芷斌
化妝： Angel Louie
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33285
发帖: 75834 篇
在线时长: 2917 小时
[忽然一週第938期]打頭陣 加國直擊 陳豪送樓送車獎勵 陳茵媺一索得男
陳氏伉儷出巡陳豪和陳茵媺在加國時間 7月 16日中午十二點，由豪宅揸車到附近一間意大利餐廳用膳。懷孕四個多月的陳茵媺，沿途用手袋遮肚。問到生仔定生女，陳茵媺嬌嗲地說：「咦！唔話俾你哋知！」
雙喜臨門的 42歲陳豪與 32歲陳茵媺，上月豪花 300萬在巴黎舉行浪漫婚禮後，老公返港搵奶粉錢，老婆飛返多倫多娘家安胎。小別一個月，陳豪周一（ 15日）起程去多倫多擺酒，佗住 4個月 B的陳茵媺心急見老公，一早在機場外等候。見眾多記者在場，陳氏夫婦未有親密擁抱，兩人只對望甜笑冧爆。
據知陳豪早前以 300萬加幣（約 2,250萬港幣）買入豪宅區 Richmond Hill的六千呎巨宅，又送了一架 60萬的新 Benz給陳茵媺，作為一索得男的獎勵。今次除了在外父做股東的麗晶酒家筵開十席外，陳豪更會陪老婆去產檢。一次過達成結婚生仔兩個人生最大的願望，又一次過使咁多錢，難怪陳豪周六（ 20日）便要撲返香港繼續搏殺。為咗陳茵媺同金叵羅，辛苦都係值得嘅！
以往試過着婚紗禮服現身活動的陳豪和陳茵媺，於加國時間星期三（ 17日）擺結婚酒。婚後陳茵媺繼續留加安胎，至於老公仔陳豪，周六（ 20日）便匆匆返港，幫無綫拍劇搵奶粉錢，兩公婆有排冇得見。
自今年 5月陳茵媺因私人理由推拍無綫古裝劇《寒山潛龍》，便盛傳她有喜，雖然陳豪怕 BB小器一直避談，但紙包唔住火，陳茵媺個肚亦唔等得。上月兩人急急在巴黎低調行婚禮，之後陳茵媺一直在多倫多娘家安胎。
擺酒補飛?外父
對於倉促在巴黎結婚，雙方只邀請直系親屬去觀禮，外父陳炎森為此事「詐晒型」。視陳茵媺為掌上明珠的他，不滿女兒無聲無息便出嫁，故希望在多倫多擺酒向當地親友交代。陳豪知道後亦出招「補飛」，應承於 7月中在當地擺酒，適逢陳茵媺已佗豪 B四個月，終於可以名正言順接受大家的祝福。據知情者透露，「人哋養到個女咁大，匆匆結婚乜都唔搞，始終唔係咁好囉！陳爸爸喺多倫多有頭有面，好想大宴親朋。阿 Mo（陳豪）唔敢逆外父大人意，本來佢提議喺五星級酒店擺酒，但外父想喺自己開嘅酒樓擺，最後佢都順從，擺幾多圍同日子都係由女家決定，阿 Mo負責埋單。酒席當然有鮑、參、翅、肚唔會失禮，到時仲會按照中國傳統，斟茶俾長輩飲。」
陳豪留港工作，婚宴安排就交由身在多倫多的陳茵媺負責，日子定了在多倫多時間 7月 17日。周一（ 15日）下午 3時許，陳豪與胞兄及經理人現身香港機場準備飛多倫多，對於大批記者送機，他說：「我俾大家搞到好緊張，初初諗住低調舉行飲宴，依家咁多人知道。」他表示今次不會發擺酒相，亦不會穿禮服。
陳氏伉儷出巡孕味甚濃的陳茵媺，當日刻意穿上吊帶鬆身傘裙遮肚，但仍難掩豐滿上圍。
凸肚現形雖然左遮右掩，但每當風吹過時，陳茵媺四個月肚即時現形。據知陳茵媺食得瞓得兼冇嘔過，加上每天進食媽咪燉的滋補燕窩，所以長胎又長肉。
單手護肚由於現場有十多名記者採訪，每當有記者埋身，陳茵媺都下意識用手護肚，十分小心。
脹奶凸肚接機
坐了 15小時飛機，陳豪飛抵多倫多，陳茵媺乘坐由父親駕駛的 60萬 Benz到達機場。她一直未有下車，見記者拍照，即用價值港幣兩萬元的名牌手袋遮肚。現場所見，陳茵媺身形變得圓潤，上圍亦開始因懷孕而變豐滿。陳豪見愛妻被包圍狂影，放好行李即極速上車，兩人相對甜笑，一切盡在不言中。他們的座駕直駛去多倫多烈治文山（ Richmond Hill）的豪宅區，兩人入了一間新簇簇的啡色獨立屋。陳豪胞兄及經理人在附近醫肚後，亦買了幾袋外賣返大屋，相信是給陳豪夫婦作為消夜。
據知原本與父母居於多倫多 Brookers Lane湖景屋的陳茵媺，月初才遷入新愛巢。知情者說：「阿 Mo真係好錫 Aimee（陳茵媺），一有咗就叫老婆揀屋，上個月又科水買咗架新 Benz俾佢代步。月初 Aimee再去產檢，醫話有八成係仔，佢第一時間打俾阿 Mo報喜，仲話下次產檢，一定要佢陪住照超聲波，等爸爸見吓 B仔。 Aimee仲講過第時都係想返多倫多生活，除咗近娘家，阿仔嘅教育都好啲。」記者實地視察大屋環境，發現大門貼上兩個囍字，屋外更放了大量磚頭，可見仍未完全裝修好。至於屋後的過千呎花園，除了一片綠油油的草地便空空如也，明顯是剛入伙。
恤靚髮待嫁周二（ 16日）食完晏後，陳茵媺帶老公到隔兩條街的髮型屋洗頭剪髮，扮靚等嫁。在髮型屋內，洗濕個頭的陳茵媺，多次走埋去陳豪身邊雞啄唔斷。一個月冇見，兩公婆零舍多話題。
幫老婆拎手袋陳茵媺和陳豪在髮型屋內逗留個半鐘，其間陳豪一直坐着耐心等候，更細心地幫老婆看實手袋。
對於大批傳媒飛往多倫多採訪，陳豪與陳茵媺似乎已有心理準備。加國時間 7月 16日中午 12時許，兩人步出大屋，由陳茵媺揸車外出嘆意大利菜，同行還有陳茵媺胞弟及陳豪胞兄。陳豪見記者包圍剛下車的陳茵媺做訪問，不斷叮囑大家要小心些，短短一分鐘的路程，陳豪護妻心切，表現得非常緊張，一直輕輕搭住太太肩膀。沿途與記者有講有笑閒話家常的陳茵媺，當聽到記者問及 BB性別時，即以嬌嗲聲線回答：「唔話俾你知！」之後對問題一概都只笑說：「 Sorry呀！」陳豪則一直騎騎笑未停過。
吃罷午餐後，陳豪與陳茵媺十指緊扣行到附近的髮型屋，原來大肚婆要剪頭髮，而陳豪則乖乖陪坐足足個半小時。之後兩人返回大宅，至深夜都沒有外出。
自陳茵媺懷孕後，陳豪大部分時間都在香港工作，未有時間陪伴太太，為此他感到非常歉疚。這次飛去多倫多除了擺酒外，亦想好好照顧陳茵媺，當中最重要任務是陪太太接受產前檢查。由於陳茵媺腹中豪 B已四個多月大，現時適合做 4D超聲波，檢查 BB的四肢及心臟結構。如此重要的時刻，陳茵媺當然希望丈夫會在場，一起分享 BB成長的喜悅。
服侍周到終於等到陳茵媺剪靚個頭，陳豪一個箭步走上前為老婆開門，服侍周到。
狂接騷搲銀自四月中傳出陳茵媺懷孕後，陳豪在兩個月內，出席超過 20個活動，以一個騷收 30萬來計，陳豪兩個月內已賺 600萬奶粉錢。
豪晒婚戒周二（ 17日），陳豪由香港飛往加國和老婆團聚，當晚大住個肚的陳茵媺亦有接機。雖然全程坐在車內，她更將手袋遮實個肚，但仍可見到腰圓臂粗。當晚陳氏伉儷更如王子王妃出巡一樣，向現場記者不斷揮手，大騷婚戒。
陳豪轉軚續約
早前陳豪曾斷言約滿無綫後將不再續約，會逐漸淡出電視圈外闖，並致力投資咖啡室，轉型做生意人。但鑒於陳茵媺意外懷孕要停工，所有經濟重擔都落在陳豪身上，最近他明顯轉軚。知情者說：「呢幾個月嘅變化 Moses都預計唔到，為咗頭家，佢知道簽無綫嘅話收入絕對有保障，所以依家同無綫斟緊，呢兩年會繼續拍劇同接廣告代言。」對於續約無綫，陳豪未有否認，但卻直認開店大計要延期。「其實依家仲同公司傾緊，我抱住一個開放嘅心態。我都希望早啲完成自己開咖啡室嘅夢想，但最近真係發生太多事，所以開咖啡店嘅事只能暫時拖延一下。」無可否認，陳豪最近接多了代言及商場活動，廿四孝老公咁努力搵快錢，陳茵媺也就可以安心養胎，為陳豪生個肥肥白白嘅豪 B。
外父外母接機陳豪當晚到達加拿大，除了陳茵媺接機，外父外母亦有現身機場，幫女婿打點行李和充當司機。
fans飛加國見證當晚除了有十多個記者採訪，在加國機場內，更有約十個陳豪 die hard影迷，由香港跟陳豪飛到加國。其中一個影迷說：「我哋要親眼見證阿 Mo（陳豪）同 Aimee（陳茵媺）結婚！」
二千萬巨宅?外家
陳豪四月中得知老婆陳茵媺意外懷孕，馬上計劃與女方在巴黎閃電完婚，還豪擲二千萬在加國烈治文山區買巨宅?岳父岳母。巨宅樓高三層，有八個套房和花園泳池，極盡豪華。
囍字貼大門陳茵媺一家多年在加拿大生活，但女兒結婚，陳茵媺父母亦依傳統習俗，將兩個「囍」字貼在大門。
據知巨宅落成僅兩個月，因此部分外牆仍在裝修，記者便發現有大量紅磚擺於在後園露天位置。
送 60萬 Benz除了送大屋，陳豪六月中更豪擲六十萬買了一架平治 C300房車給老婆代步，相當體貼。
麗晶酒家設豪宴
「 7.17」雙陳擺喜酒嘅地方，是陳茵媺父親陳炎森有份投資的麗晶酒家，酒樓位於 Thomhill的金馬倫中心，裝修如一般香港酒樓，很多在多倫多居住的華人都喜愛幫襯。酒家最馳名的中菜有脆皮珍珠糯米雞及香妃華僑雞，主力做婚宴酒席，價錢由 468至 888加幣（約 3,500至 6,700港幣）不等，十位一席。
據知 7.17當晚，陳爸爸揀了最貴的「龍鳳呈祥」菜式，並把「三十頭」乾鮑轉為「六頭」，盡顯派頭。據知雙陳婚宴會擺十圍，若以每席一萬元港幣計算，十萬港元便可埋單。本刊記者前往麗晶酒家，打算 book當地時間 17號食晚飯，侍應表示當晚已 full，不接受任何訂枱。據知陳豪為低調舉行婚宴，當晚更請來多位保安把守酒家大門，賓客必須手持邀請卡才可入內。
搵梁洛施醫生接生
陳茵媺生於多倫多，擁加拿大戶籍，同時享有當地醫療福利。據知她和陳豪已預約多倫多 North York General Hospital一間單人房，並打算由首席婦產名醫旋敬醫生接生。有傳梁洛施為李澤楷懷有長子長治時，亦是由旋敬接生。
由於有加國戶籍，因此陳茵媺在當地生仔，只需付指定醫生費三百加幣（約港幣二千四百元）。但若要指定搵首席婦產名醫旋敬剖腹接生，便需額外付十萬港幣醫生費用。
North York General Hospital
豪華獨立產房
撰文：娛樂組
攝影：攝影組
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33286
发帖: 75834 篇
在线时长: 2917 小时
[忽然一週第938期]滾熱辣 爆吳積遜部署破產 江欣燕離婚避債
落寞遊老銅開完餐，她單拖步行到停車場取車。其間她表情多多，不時口噏噏，似滿懷心事。
拍拖十年，結婚十二年，江欣燕和吳積遜這段長達 22年的深厚感情，上周江欣燕親口宣布終結。二人離婚原因，眾說紛紜。有指男方經濟出現問題，兼經常夜蒲攬女，亦有指男方夜蒲酗酒過度。
一段感情的終結，並非在離婚書上揮筆一簽就了斷。江欣燕依然處處維護前夫，駁斥外間種種指控，她說：「佢始終係一個好好嘅人。」並稱雙方已簽妥離婚協議書。本刊收到消息，欠債纍纍的吳積遜，部署申請破產，在一人欠債毋須兩人填氹的情況下，二人正式協議離婚。
吳太稱號已成過去，江欣燕只好背人垂淚，更要睇心理醫生療傷。周一（ 15日），記者拍得她獨自夜遊銅鑼灣，神情落寞。
「我唔使男人都得！」剛剛被爆離婚的江欣燕，周一（ 15日）出席新劇《舞室保衞戰》時，向現場傳媒高呼，力證心情已經平復。不過一切只是強裝出來，當日她收工離開電視城後，單拖到銅鑼灣修甲開餐。雖然行程緊湊，但記者發現她不時扁嘴，神情落寞。之後她更上好友家中傾訴，搵姊妹療傷。
12年婚姻告終01年 5月，江欣燕與吳積遜於中環麗嘉酒店擺酒，筵開廿四席。可惜 12年後，酒店遷址，二人婚姻亦無奈終結。《蘋果日報》圖片
吳積遜主理夜場「 Dragon-i」期間，經常被拍得攬女。 07年，吳就被拍得與 Ana R.蒲天光。《蘋果日報》圖片
退股「 Dragon-i」後，吳積遜幫羅傑承打工，當時他更帶埋江欣燕參觀羅傑承送俾老婆梁芷珊價值千萬的遊艇。《壹週刊》圖片
無奈扁嘴周一（ 15日），江欣燕收工後，揸車到銅鑼灣。記者發現她刻意將帽拉低，落車時更頻頻扁嘴。
孤獨醫肚之後她步行到商業大廈修甲。一小時後，她再到附近的壽司店醫肚。記者發現她叫了十件壽司做晚餐，胃口都算不俗！
神不守舍她取車時才發現要去繳費處俾錢，結果她將手袋擺在車頭蓋上摷八達通付款，有點神不守舍。
睇心理醫生紓鬱結
江欣燕和吳積遜這段 12年的婚姻，其實於今年初正式完結。一直以來，江欣燕對吳積遜愛得無怨無悔，儘管自己滴酒不沾，但為了可以融入丈夫生活圈子，於是以身體作賭注，頻頻飲酒訓練酒量；加上她為了解老公工作，不惜減少幕前演出，做跟得夫人。故她落筆簽紙離婚的一剎那，過去種種畫面湧現眼前，淚水一發不可收拾。離婚後，江欣燕要搬回位於深井娘家暫住，牀邊突然少了另一半，令她抑鬱難伸，經常夜半垂淚。經好友介紹下，江欣燕決定搵心理醫生相助。「欣欣晚晚都瞓唔着，佢又唔想依賴安眠藥，咪惟有借酒澆愁，用酒精麻醉自己囉！嗰時佢出咗好多白頭髮，真係陰功。晚晚飲到嘔，但欣欣始終覺得心靈好空虛，於是開始睇心理醫生。頭嗰幾次療程，欣欣幾乎喊到收唔到聲。呢幾個月情況好轉咗，起碼佢可以冷靜傾番佢哋兩公婆由相識、拍拖、結婚到離婚嘅經過。」知情人士說。
11年節目晒恩愛11年初，江欣燕和吳積遜以模範夫妻檔做《心有靈犀》嘉賓。當時吳於節目大唱冧歌，搞到江感動落淚。
13年 1月已經簽紙離婚的吳積遜和江欣燕，今年竟以夫妻檔出席周汶錡婚宴。當晚江飲到醉醺醺，吳亦一路照顧她上車。
13年 4月孖住賀壽江欣燕和吳積遜繼續以恩愛姿態，出席曾志偉 60大壽 party。二人場內場外十足連體嬰，絕對不似離婚。
吳積遜投資損手
江欣燕與吳積遜於 1991年於朋友聚會中相識，二人繼而展開十年愛情長跑，直至 01年，他們終於在中區教堂行禮，展開人生新階段。結婚初期，一直與楊其龍和林雨生合作搞公關公司的吳積遜，生意愈搞愈大，更揼本於蘭桂坊開名人蒲點「 Dragon-i」。不過近年有傳他因炒燶股票而急退股套現填數。馬死落地行， 11年初，吳積遜埋了羅傑承堆，替羅發展卡拉 OK業務。去年他更轉投涉及放債業務的「野馬國際集團」任執行董事，不過上任唔夠一年，於今年 4月又宣布唔撈。據知做回打工仔的吳積遜，雖然每月賺取穩定薪金，奈何他為人過分進取，頻頻將收入拎去投資孖展搏殺，以為可以翻身。知情人士說：「 Jackson（吳之洋名）希望做番老闆，諗住將嚿錢變大。點知遇着上落市， Jackson睇錯方向，蝕到渣都冇。」近日更有報道指吳積遜借落唔少大耳窿錢，要江欣燕幫手還債。
據知經濟陷入困境的吳積遜，打算明年申請破產，他向江欣燕交代經濟狀況後，便協議離婚。「其實欣欣唔想離婚，但 Jackson堅持要咁，唔想欣欣幫佢孭到一身債。欣欣仲好愛佢老公，只可惜今次真係唔可以有禍同當。」
落淚撐前夫周一（ 15日），江欣燕出席《舞室保衞戰》開鏡，她接受訪問時仍維護前夫，眼濕濕說：「大家都決定分開，唔想講咩原因，但佢係一個好好嘅人。」
離婚後的江欣燕一於自力更生，除與無綫簽約外，她更唔介意拍住《獎門人》一班麻甩佬搞笑（左圖），兼唔理身形於《夜宵磨》介紹美食。
江：講出嚟雙方都冇好處
婚姻因此走到盡頭，江欣燕十分無奈。周一（ 15日），江欣燕到無綫開工，提到她半年前已開始睇心理醫生，她故作輕鬆說：「唉吔！冇呀！我咪係自己嘅心理醫生囉！我好清楚自己。」不過當她聽到前夫部署破產事時，她立即面色一沉，並突然緊張地說：「我真係唔想講，因為喺呢段時間，我講出嚟對雙方都冇好處！你哋唔好再逼我啦，我真係唔可以講啲咩！」
之後她換上戲服，把傷感掩藏在心底，一直強撐笑容。不過她再接受訪問時，又忍唔住落淚，看來情緒起伏很大。最後她向本刊記者說：「人生仲有好多嘢，要活在當下，我同佢仲可以係好好嘅朋友。」近日一直潛水的吳積遜亦開腔說：「我只希望鞭策番自己，建立番原本應該嘅嘢，希望有機會爭取復合。」畢竟二人相愛多年，要放手真的不易。
周二（ 16日），江欣燕父母於深井寓所外出，提到女兒離婚一事，江父說：「佢有需要咁做（離婚）。」
離婚後江欣燕搬回深井觀海別墅二千呎獨立屋與父母同住，環境不俗。
身心行為學家：佢內心好矛盾
江欣燕近年經常飲酒，更試過醉酒爆粗，香港臨牀身心行為學家李寶能指，這是矛盾掙扎的表現。
李寶能說：「因為人嘅行為有理性同非理性兩種，如果佢唔想離婚，但又偏偏作出咁樣決定，佢內心一定極之掙扎。」
10年 12月，「至八會」成員將自己的畫作拍賣，江欣燕畫了一張「黃金女神」（小圖），當時本刊亦有找過李寶能分析，當時李指江欣燕十分渴望自由自在，但感到在現實中被束縛，但又擔心一旦得到自由，自己就會出軌，內心十分矛盾。
事後江欣燕聽到李寶能的分析十分驚訝：「我從來冇對人講過自己有呢種諗法，但佢睇我嘅畫就一講即中！」江欣燕當時甚至要求記者帶她見李寶能，可見她當時心中確有事難以釋懷。不過事後因為種種原因，兩人未有見面。
好友早知離婚
江欣燕與吳積遜 22年感情突然告終，消息震驚娛圈。不過記者再向二人好友了解，發現他們不約而同，均一早得悉兩人離婚。
林建明：我一個月前就知道
林建明和江欣燕屬至八會會員，一個月總有幾次聚會，彼此情同姊妹。林說：「其實我一個月前就知道呢件事，但冇追問佢原因。我睇得出欣欣仲好愛佢老公！世事難料，冇人知第日會點。」
曾華倩：我尊重欣欣嘅決定
曾經歷過離婚的曾華倩，對江欣燕離婚一事顯得冷靜。曾說：「佢哋兩個都係大人啦，知道自己做緊乜嘢?，如果欣欣係咁決定，我哋都會尊重佢！兩個人喺埋一齊 22年，冇話可唔可惜嘅，適當時候咪做適當嘅事啦！」
曾志偉：唔關第三者事
江欣燕離婚後要自食其力，因此好友曾志偉便不時安排工作給她，讓她靠工作忘記情傷。曾說：「佢大半年前已經想離婚?喇，我有開解佢o架！得閒咪同佢講吓笑，玩吓咁囉！兩個人離婚有好多原因嘅，應該同第三者冇關o架！」
律師：破產前不容財產轉移
律師黃國桐指一對夫妻其中一方離婚後申請破產，如果離婚前做了資產轉移，法庭會因應資產轉移的時間，而考慮會否追討該筆資產。他說：「申請破產當事人，其另一半同屋企人嘅資產都會審查。萬一發現當事人離婚前三年內做過資產轉移，法庭都會追討。假如兩公婆真係恩愛，一方有事，便應該共同承擔！唔應該搞咁多花樣。」
撰文：娛樂組
攝影：攝影組
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33287
发帖: 75834 篇
在线时长: 2917 小时
[忽然一週第938期]滾熱辣 放蛇導賞團 零團友＊旅客撐港姐慘變孤兒仔
15/7垃圾巷換鞋「黑妹吳千語」蔡思貝上鏡前要換高踭鞋，不過九份街頭冇地方換，卒之喺條擺滿垃圾嘅後巷換鞋。
近年不斷開源節流的無綫，最近又有新搞作。今年，無綫向贊助商康泰旅遊獻計，以「港姐旅行團」做生招牌，將廿名今屆參選港姐打散成 8個旅行團，價錢比同類型的旅行團貴三成，安排港姐拍外景之餘，與團友同食同住。
原以為會有宅男及師奶 fans報團湊熱鬧，可惜事實是港姐旅行團反應麻麻。周一（ 7月 15日）出發的台北團僅有兩名團友，但只是記者放蛇假扮。四日行程，記者團友入住猛鬼酒店，局住去悶爆景點。而港姐隨行沒有化妝、服裝及髮型師，更要互當阿四，慘變孤兒仔。
往年港姐拍外景，一定有服裝指導、化妝及髮型師隨團，好讓港姐發揮高貴大方一面；拍外景時更有保安在場，禁絕遊客埋身。今年乃港姐 40周年，做法卻一反常態。「 TVB今年想玩『真人騷』概念，刻意唔安排梳、化、服隨團，之前叫港姐上化妝班，而拍攝服裝都係佢哋自備。旅行社更趁港姐拍外景，順便收埋旅客，幫補外景成本。」知情者說。
記者兩周前放蛇報團時，曾向康泰旅行社職員查詢港姐泰國團及台北團的報名人數，台北團四日團費為 4,099元，比一般台北團貴約 1千元。當時職員的答覆是兩個團將滿，催促記者盡快落訂。
熱到濕肚腩蔡思貝拍了一會已經成身汗，連衫都濕埋，由於趕時間，衣衫未乾透她又要埋位。
拍咗一陣，蔡思貝刮損咗對腳，卒之要黐埋膠布。
聲稱團友突退團
記者付費報台北團後，上周三（ 10日）旅行社通知記者，表示其他十多名「團友」已經退團，只剩下記者兩人。由於團友連同攝製隊不足 15人，旅行社為慳錢，未有安排領隊隨團，任由兩名以團友身份報團的記者自行上機。
港姐台北團周一（ 15日）中午抵達。在當地台北導遊及一名旅行社職員帶領下，三名港姐沒有休息便隨即搭兩個多小時巴士去九份，開始拍攝工作。其間，港姐們更要紆尊降貴，當街與路過旅客搭訕拍攝，以免拍出來的畫面場面冷清。
可憐三名港姐全程冇服裝指導，亦冇化妝師幫手，只得一名保母陪同，化妝、搬行李都要自己搞掂唔在講，就算濕身溶妝、披頭散髮都冇人執，加上形象 MK look，恍如孤兒仔冇人理。港姐忙到晚上十一時，才返回台灣出名猛鬼的君悅酒店，更三晚住喺度。
連日來港姐都由朝早六、七點忙到深夜，回到酒店房仲要拍花絮，所以港姐一上車倒頭便睡，懶理睡姿被團友目睹。
台北君悅大飯店在 2011年曾被選為「全球十大猛鬼酒店」，酒店大堂當眼位置有兩道靈符，所以不少香港人到台北旅行，都唔會住台北君悅。
周一（ 15日）早上港姐泰國團集合時，記者只見有攝製隊及港姐，未見有團友。泰國同台北都咁慘淡，似乎港姐團都幫唔到旅行社。
翌日（周二）早上，港姐先到陽明山拍攝，下午再到中正紀念堂附近的自由廣場取景，一拍就是三小時。由於廣場附近一片空曠，港姐埋位時，局住在烈日下暴曬，而扮團友的記者，亦在冇景冇街行的情況下，局住滯留。若真的俾錢消費，團友唔鬧爆就奇。幸好膳食 OK，有多餐在當地著名食肆用膳。
「其實旅行團去中正紀念堂，一般只留三十分鐘，留三粒鐘咁耐真係未聽過！至於台北君悅出名猛鬼，一般香港旅行團都唔會住！」業內人士說。
就港姐慘變孤兒仔，求證 TVB外事部副總監曾醒明，他表示：「今年係用咗個新形式拍攝，冇化妝師隨團係因為已經教過佳麗化妝，令觀眾可以見到佢哋最真實一面。雖然冇保安，不過有工作人員喺度，必要時佢哋會保護佳麗。」台北團冇客，港姐今年見報率低，旅行社同 TVB今次真捉蟲。
互相做阿四既然冇人服侍，三位港姐惟有互相幫助。好似「 Da Da師妹」劉佩玥要換鞋，蔡思貝就主動蹲低身幫佢換。至於着到一身彩色嘅陳偉琪就好怕曬，唔使入鏡時就笠實自己。
由於台北團基本上冇團友，為了令出街時畫面熱鬧些，周一（ 15日）三位港姐主動出擊，在九份找來一對母子遊客出鏡。不過呢對母子唔知三人係乜水，純粹係俾佢哋熱情打動。
＊客扮團友旅行社都知港姐台北團人丁單薄，於是在周三（ 17日）中午安排另一個台北團同港姐團一齊食午飯，呢班團友唔使額外俾多一千蚊，都可以親近港姐。
周二（ 16日）到陽明山火山口外景，天氣熱上加熱，劉佩玥幫蔡思貝擔遮。陳偉琪就掛住上網，不過怕曬的她依然笠到實。
景點局滯留周一去完九份，港姐再到猴硐貓村拍片，一拍就是兩小時。不過貓村無乜風景睇，主要都係拍劉佩玥玩流浪貓狗（上）。周二到中正紀念堂，一去又是三小時，這兩個行程令記者甚有「被困」感覺。
撰文︰娛樂組
攝影︰攝影組
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33288
发帖: 75834 篇
在线时长: 2917 小时
[忽然一週第938期]媽咪姐 搞唔掂版權 《衝上 II》迫住用 Lam歌
等咗十年，萬眾期待嘅《衝上雲霄 II》終於喺周一（ 15日）首播，第一集收視平均 32點，最高仲有成 35點。媽咪姐知道 TVB今次真係落重本，首播前已經搞咗兩次記招谷宣傳：上周四（ 11日）喺機場嘅飛機維修庫搞，真金白銀俾錢租場，非常揼本，周日（ 14日）又喺酒店搞多次記招。另外，連套劇嘅主題曲都多過人，除咗被網友彈到爆「唔係 fa！」嗰首 Lam（林子祥）作品外，原來仲有兩首片尾曲，分別由林峯及林欣彤主唱，一齣劇有三首歌，真係少有！
阿 Lam唱嘅主題曲，被批勁似八十年代。不過，媽咪姐知道，其實 TVB好想用 Eason唱嗰首〈歲月如歌〉，令續集可以同《衝上 I》有連貫嘅感覺。《衝上 II》監製之一陳維冠話：「 TVB所有劇集都會賣埠，但首歌（《衝上 I》主題曲）因為海外播放權嘅問題，唔可以喺海外播，只可喺香港播。問題太複雜，所以就搵阿 Lam作一首新嘅歌。」講嚟講去，又係同唱片公司傾唔掂數！唉，咁就難為咗我哋廣大觀眾對耳，學網友話齋，咁惟有喺睇劇前分半鐘校靜音啦！
周日，吳鎮宇喺台上同 TVB行政主席梁乃鵬（左）、胡杏兒等祝酒時，仲要接電話， Sam哥果然日理萬機！可唔可以幫我哋反映埋想換歌嘅意見呀？
當胡杏兒包到冚時，當日低胸撐場嘅胡定欣即時 sharp晒，連 Sam哥都忍唔住眼望望。
喺飛機維修庫搞記招，氣溫有成 30幾度，但 Chilam都 chok住做布景板，同俾佢冧暈嘅大班職員影相， nice！
周四，難得吳鎮宇、張智霖同場宣傳，之後吳鎮宇返大陸拍劇，無乜機會碰頭，所以江美儀（右二）同沈卓盈（左二）都爭住合照。
《衝上 II》編劇歐冠英，今輯做咗監製，而另一監製就係新紮嘅陳維冠（右圖），佢話對《衝上 II》有信心，觀眾一定睇得開心睇得明。
網友洗版撐舊歌未播《衝上 II》前，唔少網友已經話想 TVB用番 Eason首歌，有人仲自己將〈歲月如歌〉 jam入《衝上 II》嘅片頭，放上 youtube。到第一集播完，即時引嚟網友瘋傳勁 like！
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33289
发帖: 75834 篇
在线时长: 2917 小时
[忽然一週第938期]媽咪姐 鄭俊弘谷肌封歌神
手瓜起柌真人不露相，鄭俊弘平日官仔骨骨，唔着背心都好難見到佢隻老鼠仔。原來佢手瓜粗過大髀?！堅！
《星夢傳奇》播咗兩集，負面新聞多多，有指無綫力保梁烈唯同黃智雯，刪走毒舌評判巫啟賢對佢哋嘅負評。周日（ 14日）第三集錄影，監製麥鎮東又將行動升級，索性閉門比賽，仲以「唔想俾班藝人咁大壓力」為由，拒絕俾傳媒在場，以免負評再流出。
喺閉門比賽之下，第三集嘅賽果果然有驚喜。被評為神級嘅李璧琦，同被指入硬三甲嘅梁烈唯竟然雙雙 fadeout！至於邊個最唱得？咪又係鄭俊弘（ Fred）冧莊囉。其實大家都應該好好奇，點解人仔細細嘅阿 Fred咁唱得，原來佢每朝都會喺屋企附近跑兩個鐘練氣，下午再到健身中心做「 Free Weights」操體能，難怪佢唱歌咁夠氣又平穩啦！
跑步練氣鄭俊弘每朝都會到鰂魚涌公園跑步練氣，風雨不改。
加強體能有 40吋胸肌嘅鄭俊弘，原來日日到太古城健身。佢每日操個半鐘，每種健身儀器都試勻。
獲獎無數鄭俊弘自小喺加拿大長大，兼拜師練武術。佢細細個已經攞咗唔少武術獎項，絕對唱得又打得。
近排人氣急升嘅鄭俊弘，講起曾試過戶口得番 50蚊，要過住日日捱麵包嘅日子，表現得相當欷歔。
第三集大洗牌
周日（ 14日），《星夢傳奇》第三集錄影，七個參賽者要唱評判譚詠麟、李克勤同葉蒨文嘅歌。結果上集掹車邊嘅梁烈唯，唱〈愛情陷阱〉成為最低分被 out；一向唱開歌劇嘅李璧琦，今次唱〈大會堂演奏廳〉，俾評判趙增熹話佢唱唔到流行曲，最終又係執包袱走人。
今次鄭俊弘再度首名出線，第二名出線者係進步神速嘅羅鈞滿，佢以譚校長嘅〈暴風女神 Lorelei〉一曲參賽，原唱者譚校長仲讚佢：「唱得出首歌嘅味道。」不過克勤就打對台：「唱嘅方法比較舊。」即係話佢唱得娘啦！至於其他三位出線參賽者包括有張明偉、張振朗同何傲兒。周六（ 27日），佢哋會各自搵一個藝人合唱出賽。
第三集轉咗譚詠麟、李克勤同趙增熹做評判，據知佢哋對參賽者都「留有一口」，相信無綫都唔會刪走佢哋嘅評論。
第三集錄影，被傳係三甲之一嘅梁烈唯同讀聲樂出身嘅李璧琦雙雙被 out，只得鄭俊弘有得留低。
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33290
发帖: 75834 篇
在线时长: 2917 小时
[忽然一週第938期]媽咪姐 玉女幻滅呀！
39歲 李若彤憑《神鵰俠侶》飾演小龍女一角而大紅嘅李若彤，當年白白淨，好 pure好 true。今日？皮膚又黃又黑，雙眼無神，衣着又師奶。咁嘅樣，過兒好難認得你噃姑姑！
《 Aerobic Girls舞室保衞戰》自宣布開拍以來，人物角色換來換去，終於本周一（ 15日），落實由一班八、九十年代瘋魔唔少宅男嘅玉女做主角，當中久未露面嘅李若彤、葉蘊儀喺零化妝之下，玉女幻滅！ Well，要 keep吓嘞，姊妹。
姜大衞話齋：最鋒利嘅刀都有生銹嘅一日。同樣道理，最 cutie嘅玉女都有浮腫嘅一天。自稱為角色增肥 10磅嘅葉蘊儀，肥得嚟有啲鬆，加上亂髮、頸紋，果真歲月不饒人呀！
40歲葉蘊儀
上番粉，兩個玉女白滑晒，消失咗嘅輪廓都出番晒嚟，當堂後生咗 5年。
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33291
发帖: 75834 篇
在线时长: 2917 小时
[忽然一週第938期]揞名爆 「蟲蟲」慳得鬼祟
踏入暑假，又係外遊旺季！有個靚太 friend就同媽咪姐講，佢搭飛機去法國 shopping，撞到影圈阿姐「蟲蟲」一家呀。
當日情形係咁嘅，好鬼好眼嘅靚太 friend，去到登機閘口，一眼就見到平日做戲好搞笑嘅「蟲蟲」同老公，再拖住兩個細路坐咗喺一邊，成家都唔多出聲，好低調吓！好嘞，咁開始入閘，靚太 friend又八卦望吓「蟲蟲」，見佢成家坐喺度唔郁，心諗人哋明星坐頭等、商務，唔同我哋啲平民坐經濟位，係唔使咁快上機同人爭位擺行李嘅。點知靚太 friend上咗機，舒舒服服坐定定，架飛機就起飛之際，竟然見到「蟲蟲」一家急步上機！佢哋仲要特登由商務位專用登機口上機，再行返去經濟位坐低喎！靚太 friend話「蟲蟲」喺機上全程頭耷耷，粒聲唔出，似乎勁驚俾人認出囉。
查實呢，一家四口飛法國，坐商務嘅話要用成十萬，確係好鬼貴！明星慳家唔係罪?，下次唔使咁鬼祟啦，辛苦啲細路要呆等，又辛苦自己要整色整水。
邊個係「蟲蟲」？ 1.拍過電視劇 2.同大歌星拍過拖
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33292
发帖: 75834 篇
在线时长: 2917 小时
[忽然一週第938期]揞名爆 「牛仔」靠黐勁孤寒
媽咪姐成日都話，呢個世界無死錯人嘅！好似公仔箱嘅「牛仔」咁，明明高大、個樣唔差，點解要捱到今時今日先叫有啲成績，之前俾其他人扒晒頭呢？有位幕後就俾咗個答案我，原來「牛仔」衰孤寒！
據幕後爆料，呢位上位小生近排同大隊一齊出埠拍劇，難得咁 happy，個個藝員都諗定到埗後，要食番餐勁嘅，又周圍玩吓！但「牛仔」可能唔多鍾意今次個角色（唔係主線）啦，所以未出發已經講到明，成個 trip唔會使自己錢。而佢去到外地，的確齋食公司買嘅飯盒，街都唔出，一拍完就匿喺房。
Well，咁無嘢嘅，呢啲都係個人選擇。之但係，其他同 level嘅藝員，除咗自己出去搵靚餐廳大擦一餐之外，仲好體諒成班工作人員做嘢辛苦，同埋外地消費勁貴，所以周不時自己拎錢出嚟「萬歲」慰勞大家！成個 trip咁長，幾個主要演員都有「萬歲」過，甚至「萬歲」幾次，唯獨係「牛仔」無囉。但佢就好厚面皮，次次都有去拎人哋「萬歲」請嘅咖啡呀 cake呀咁。
嗯，「牛仔」梗係覺得一請要請成 60杯咖啡好甘！使外幣又好「揦脷」！不過媽咪姐想講，小財唔出，大財唔入。做娛樂圈呢行，人緣好緊要，你今日請人飲杯啡，他日人哋打燈都打你靚仔啲啦。牛仔，自己諗諗！
邊個係「牛仔」？
1.形象正面
2.外國返嚟
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33293
发帖: 75834 篇
在线时长: 2917 小时
[忽然一週第938期]洛天紫微
鼠 愛情保鮮
歷久彌新的愛情其實不難，可在日常生活加點新意，或在家居作出小轉變，為伴侶帶來新鮮感。
牛 勿貪便宜
不屬於自己的東西，切勿貪。凡事該腳踏實地，靠自己的能力獲得的，不是更有成功感嗎？
虎 愈急愈錯
想要成功，就要有恒心和耐性，有些事情急不來！愈是焦急，愈容易把事情弄錯！
兔 宜親力親為
若必須交託別人代辦事情，你也必須親自再確定清楚，以免帶來不必要的誤會和麻煩！
龍 有新挑戰
本周工作量大增，是自我表現的好機會，你必須保持最佳狀態！要有充足的精神去迎接新挑戰！
蛇 口舌之爭
本周容易與人有口舌之爭，特別在感情方面，會因微不足道的小事與伴侶吵起來！
馬 鋒芒太露
本周表現出眾，容易招人妒忌，是非多。低調點，保持謙虛的心，免招人話柄。
羊 還以顏色
勿再啞忍，迫自己做不甘願的事！太過善良，只會遭人欺負！是時候給敵人一個還擊！
猴 勿信直覺
本周你的「第六感」不太可信！你的直覺告訴你某人對你有意思，大獻殷勤，可能另有目的。
雞 操勞過度
精神欠佳，可能是發病先兆！從新把時間分配好，才會有好表現！健康才是真正的財富！
狗 有血光之災
本周容易被金屬物品弄傷！入廚及駕車時要注意安全，可以進行洗牙或捐血來化解！
豬 易惹官非
本周易惹官非，不要輕視生活上的細節，如：違例過馬路、亂拋垃圾等！
作者 profile
何洛天師傅師承香港及國內多位玄學大師，對風水、紫微、八字命理、卜卦、奇門、六壬等素有心得。現為壹玄堂命理顧問。
插圖： Gabriel
資料：何洛天師傅（ ）
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 33294
发帖: 75834 篇
在线时长: 2917 小时
[忽然一週第938期]滾熱辣 老公黃浩收購《都市》 徐淑敏背後發功
[img][/img]
秘返《都市日報》本周二下午，傳 2億收購《都市日報》的黃浩，穿着蝙蝠俠 T恤，出現在該公司樓下。
黃浩近日突然以二億收購免費報《都巿日報》， 7月 16日星期二，他首次到觀塘《都市》報館巡視業務。據知黃今次現身，主要向編採部透露未來大計，穩定軍心。
妻憑夫貴，黃浩入主《都巿》後，會先加開一本美容書，讓老婆大展拳腳。而徐淑敏最近亦背後發功，積極為老公鋪好藝人網絡，就連因「掌摑事件」勢成水火的曾志偉及梁烈唯，黃浩亦態度軟化，以和為貴，更不排除雙方將來有合作，證明娛樂圈的確沒有永遠嘅敵人。
老公我撐硬你！（設計對白）
據知黃浩會於 8月搞開幕禮，宣布成為《都巿日報》主席。之前，老婆已經發功，預先搵定好姊妹沈卓盈與葉翠翠等藝人，為老公撐場。最近，黃浩亦頻頻往新加坡，傳他力邀該國 Media Corp傳媒集團作為策略性股東。黃浩早年喺該集團唱片部任職總經理，故有合作淵源及人脈關係。
大搞美容書
徐淑敏實行夫唱婦隨，在老公集團旗下財經雜誌《都巿盛世》加開美容書，名為《 Suki Beauty》，一邊繼續搞美容生意，一邊學出版。
求證徐淑敏，她大賣關子︰「暫時都唔知會唔會搞（開幕禮），不過我好戥佢開心，當日我梗係會去撐場。至於《都市》旗下的刊物想出美容書，我都好有興趣。佢有叫我去（新加坡），不過呢排好忙，搞緊國內美容業務。」
近年不斷為雜誌撰寫美容專欄的徐淑敏，今屆書展更推出美容書《甜美淨肌》，有出書經驗的她要做美容雜誌，可謂駕輕就熟。
今年 4月，黃浩打本俾 Suki做美容生意，開張當日，好姊妹沈卓盈同葉翠翠都有撐場。以 Suki的人脈，幫老公鋪橋搭路，絕冇難度！《蘋果日報》圖片
首返《都市》開會
老婆背後支持，黃浩心情靚爆。 7月 16日星期二下午 3時許，他由保鑣陪同下，首次到觀塘鴻圖道保華中心的《都巿日報》開會。直至 6時半，才離開公司到銅鑼灣的 Alba餐廳晚膳。記者上前訪問他，他風騷大談發展大計。被問到與曾志偉的恩怨，他笑笑口表示「順其自然」。
忽：你去《都市日報》，上去開會？
黃：搬咗都未上過嚟睇，睇下環境啫，探下啲同事。
忽：本月 31日就成交，有咩發展大計？
黃：成交咗先講啦。
忽：你之前話會增加狗仔隊？
黃：要再下一步，加強副刊先，等編採部啲同事決定啦。
忽：志偉話見到你會同你握手，你點睇？
黃：順其自然啦。
忽：開幕剪綵會否請志偉來撐場？
黃：都係交俾同事決定啦。
黃浩唔排除同志偉合作，志偉近日亦聲言可以「握手言和」，證明兩人已化干戈。黃浩為了傳媒事業，真的退一步海闊天空。據知他已透過律師暫停告梁烈唯誹謗，答應與梁進行調解。一切以做大事行先，是非低調處理。
[img][/img]
黃浩當日有保鑣及《都市日報》編採部負責人陪同。
[img][/img]
要做傳媒蝙蝠俠，更增添狗仔隊，作為監察社會工具。係蝙蝠俠迷嘅黃浩至諗得出。《蘋果日報》圖片
做傳媒蝙蝠俠
黃浩先前曾表示會加狗仔隊及加強娛樂新聞。據知情人士透露，黃浩往《都市》開會，亦提到日後會加狗仔隊，但不是娛樂狗仔隊，而是要監察政府，揭露社會不公義，做自己獨家新聞的狗仔隊。黃對編採高層笑說：「我最崇拜鋤強扶弱嘅蝙蝠俠，你睇我啲衫同架車就知啦。我要做傳媒的蝙蝠俠，大家明啦！」
被掌摑驗傷去年尾，黃浩攜 Suki到金鐘萬豪酒店出席周志豪和鄭嘉雯婚宴，其間發生志偉掌摑事件，事後黃浩報警驗傷，志偉則被帶返警署協助調查。《蘋果日報》圖片
[img][/img]
《壹週刊》圖片
[img][/img]
對於志偉表示握手言和，黃浩亦表示：「順其自然啦！」
曾志偉：又唔係我報警！最近已將事件「放下」嘅曾志偉，表示有機會就會同黃浩握手。早前記者提議佢請黃浩上《獎門人》，佢笑騎騎話：「掟蛋糕呀？」
梁烈唯：和氣生財咪好囉！我對佢收購一事冇回應，冇意見，至於誹謗官司，已交晒俾律師處理，其實和氣生財咪好囉，呢個世界係要和和氣氣！
黃浩用二億收購《都市日報》成為熱話，有人拿他與藝人的恩怨作笑料，亦有人支持他加入報業，揭藝人黑幕。
撰文：娛樂組
攝影：攝影組
网易论坛，天天相伴
《交响情人梦》：虽然夸张但是很有趣，虽然不喜欢上野但是很喜欢野田妹。
积分: 16266
发帖: 37171 篇
在线时长: 1013 小时
谢谢老张！
每30秒自动保存一次内容
我眼中的似水流年作品征集
24小时热帖榜
下次自动登录