Michelle - 博客大巴
终于都写完啦～～～感觉好似几乱下～～But无所谓，只不过想写D自己嘅感觉～～～希望大家唔好见怪啦～～～～至于我会唔会再写其他嘅故事，要睇下我有无咁嘅心情咯～～～
转眼间已经去到高三了，分咗班之后嘅生活使我开始慢慢接受咗阿强对我嘅拒绝。同时我都同一个好有男仔身材嘅女仔行得好密，我仲叫佢&老公&添。其实，我都唔知点解会突然之间同&老公&行得咁密。我哋咩都可以倾一餐，每日都习惯咗佢会送我去车站搭车。可惜嘅系，我同佢之间嘅亲密关系，却受到&关心&我嘅女生阻挠。&老公&之前亦都同一个女仔关系好亲密。系大家眼中，女仔之间嘅呢中亲密系好正常嘅，但唔知点解某日&老公&将佢要同呢个女仔讲嘅嘢录咗系盒带度，或者就系因为呢盒带，导致佢同呢个女仔分开。我谂，呢盒带一定系&老公&谂咗好耐先有勇气去录，但当时嘅人可能真系忍受唔到身边有个咁嘅人，或者系讲有呢种形式嘅爱佢哋觉得好唔正常。But，我系一个我行我素嘅人，无论边个同我讲，我仍然保持同佢嘅关系。系我心目中，佢都系我一个姊妹。我亦都唔想理人哋点讲、点谂，just做番我自己。有佢系我身边，我觉得好舒服。读咗大学之后，我哋继续keep in touch。虽然系两个唔同嘅地方读书，但佢总会写信俾我，我亦都会将发生系我身上嘅嘢话俾佢听！系嗰段时间我唔开心，第一时间就会谂起佢，有时会send message俾佢，有时会写信。记得有次我话去佢学校去探一个男仔，佢都可以开心成个星期，佢话因为可以见到我啵，而家谂起身真系觉得佢有D傻！嗰次去到佢学校无见到我想见嘅人，反而同佢倾咗好耐，当时嘅心情真系好差。想见嘅人已经有爱人了，我又被人抛弃啦～～～佢不停咁安慰我，我心情都好咗好多～～临走嗰时，佢仲要同我一齐返市区～～～虽然佢不曾同我讲过D咩，但系系我心里面我会记住呢份情～～～而家每逢节日，佢都会send message祝福我！淡淡嘅情愫就好似一杯玄米茶咁～～～～～～
同性之间除咗好似姊妹、兄弟嘅感情，仲有一种好特殊嘅感情&&爱。呢仲爱只能体会过先知个中感受。或者有D人会用歧视嘅眼光去睇呢种感情，不过我始终认为无论人哋系点睇，只要认为系适合自己嘅感情就ok。我初次接触呢种感情系系小学。嗰时对呢种感情好反抗，而且仲未知道系咩回事，好朦胧嘅感觉。系我哋嗰个班有个叫小燕嘅女仔。虽然佢个名好女仔，不过佢个样、身材、动作同一个男仔无乜分别，而且佢仲特别钟意同D男仔玩。慢慢佢成为我哋班嘅男仔头，几乎都所有人都当佢系男仔。佢嘅学习成绩一直都好差，仲要群埋D唔三唔四嘅人。无论老师点同佢讲，佢都不为所动。当时，我系班长兼语文科代，成日都要催佢交功课。顺便交代下，以前我系小学好恶S，有时仲同D男仔打架，不过呢D屋企人就一定唔知。当时，好多人都对我唔满意，话我以职位欺压他人，所以系个班度，我都无乜朋友。不过，D老师一直都好欣赏我，因为我成绩都还算可以，仲系班干部。但有时D嘢真系好奇怪，我一有D咩事，我哋班D男仔都会好帮我，所以我同D男仔嘅感情要比同D女仔嘅感情好。讲返正题先。有次，小燕系屋企玩，唔小心系高空跌咗落地下，仲跌亲个头，医生话佢有轻微脑震荡。班主任就叫我组织D班干去佢屋企探佢。点知去到佢度，佢就去咗复诊。咁唯有同佢妈咪求其讲咗几句，交低D作业就走。经过呢件事之后，小燕变得好听我话，我叫佢交作业，佢唔会再好似以前咁，会马上抄完交俾我。有次，学校要求全校女生着裙，无论班主任点同佢讲佢都唔肯着。班主任就同我讲，要我劝服佢，我心谂：你自己都搞唔点，我又点会搞得掂佢啵。不过，头上压到落来都要做嘎，我唯有死死地气咁行去劝佢。点知，居然唔使一分钟就俾我劝掂咗佢。开头我都好惊佢净系得个应承，呃鬼我。到咗第二日先知，佢无呃我，真系着咗条校裙返来。我当然开心，开心之余，我梗系唔会唔记得赞番佢几句。其实，佢着起裙上来都几好睇嘎，都唔会唔似个女仔。虽然系咁，我同小燕依然都系无乜两句。大家都只系普通同学关系。有日我同班里面嘅另一个班干倾紧嘢。突然有个同小燕好熟嘅男仔好大声咁讲：&小燕话钟意你哋两个，想沟你哋啊，你哋有无兴趣啊？我同嗰个女仔听到之后，即时好大声咁讲咗句&痴线&。我望住小燕，发觉佢嘅眼神好失望。自从嗰日开始，我就一直咁避开佢。直到我毕业，我仲系一句说话都无同佢讲。期间，一直有人系度讲闲言闲语。不过，我都唔理得咁多，自己嗰时又拍紧拖。其实，到时我唔系觉得呢种感情有咩问题，只不过，有样嘢就系&&当时我大脑未开发，所以有个单词&gay&，一谂到呢个单词就会成身打冷震。唔知道呢种感情其实已经开始系我身边发展，亦都唔知道自己将来仲会体会到呢种感情。
有日突发奇想，想写篇关于同性嘅嘢。其实，都唔系突发奇想，而系由感而发。想将自己曾经有过嘅一D感受写出来。唔知大家点睇呢？不过，我从来写嘢都唔在乎读者有几多人，亦都唔会在乎人哋点睇我。我只会做自己想做嘅事情。今次写嘅故事或者会比较简短，睇心情啦～～～
烟、酒、蒲我十四岁开始吃烟，可以讲已经吃咗十年啦！不过，我一直都无上瘾！其实，吃烟我只不过系过下手瘾，因为我知道我身体唔允许我将D烟吸入肺到。我四岁嗰年，因为肺炎入咗院，自此以后妈咪就好紧张我嘅身体。我唔想见到妈咪咁担心我，所以每次吃烟，我都唔俾自己吞D烟落个肺度。但系而家开始，时不时都会控制唔到，将D烟吸入到肺度，特别系饮咗酒之后。唔知系未开始放纵自己呢。第一次吃烟系因为阿明。阿明无反对我吃烟，而且仲经常买定包Mild Seven俾我。但嗰个时候都唔系吃得好犀利，觉得好似无乜必要要吃。但阿雅就相反，成日都好钟意吃烟，佢就钟意吃Salom。but经过我劝导，佢都小吃咗。系阿明离开之后，我开始变得好钟意吃烟，好钟意透过烟幕去睇出面嘅世界。我依然都系钟意吃Mild Seven，而阿雅却劝我唔好吃咁多，我话俾我佢听，我要嘅系一种吃烟嘅感觉。我开始钟意去蒲，钟意饮酒。每次去蒲，都会有好多男人想撩我同阿雅。点解会话想，因为佢哋根本埋唔到我哋身，我同阿雅都会俾Micheal同佢D兄弟睇得好实，一有D咩男人想行埋我哋身边，佢哋就会保护我哋。佢哋都知道我哋佢蒲场并唔系为咗戒仔，而系想释放自己。我钟意咗阿伟之后，情况并无好转，而且仲变得更加严重。或者当时我自己已经转咗入牛角尖，一时间好难抽离到出来。每个星期都会饮酒，一个星期吃两包Mild Seven对于我来讲，已经成为我嘅必修课。每次我系广州返到三水（我大学嘅校区），就会同D好朋友去饮酒，吃烟会系饮完酒之后，企系阳台度望住出面漆黑一片，眼泪又会好唔争气咁流出。大学嘅颓废生活，成咗我一生嘅一个好特殊嘅经历。
我与阿雅当我结束同阿雅嘅姊妹关系时，我真系好心痛。但我好想自己可以重新企番起身，所以唯有选择呢个最愚蠢嘅方法。同阿雅可以讲系情敌，佢一直都好爱阿明，虽然佢身边一直唔缺男朋友，不过佢系我最需要人支持嘅时候，永远都会beside me。我相信阿明件事，佢一定会比我更加伤心。开始识阿雅嗰时，仲以为佢会好难相处，because佢个样实在好cool，但有好靓女啵，俾人一种冷艳嘅感觉。但系我好快就同佢熟咗，不过嗰时我仲未知佢钟意阿明。知道佢钟意阿明就系系阿明俾人整伤嗰时，当时我唔系咁留意佢系的士上讲嘅嘢。但系事后，阿雅却居然约我出来同我解释，呢个正一傻婆。我一边听佢解释，一边系树笑佢。佢问我笑咩，我同佢讲，其实佢钟意阿明，都好正常，毕竟两个人识咗咁耐，一男一女好难会有好纯嘅友谊，我唔会怪边个，如果阿明真系拣佢，我都会尊重佢，我觉得阿雅会比我更懂得照顾阿明。阿雅听到我咁讲，碌大对眼望住我，或者佢真系好难相信一个细过佢嘅0靓妹会讲得出呢D嘢。不过，当时我真系比而家嘅我要成熟，真系好奇怪。就系咁，我同阿雅就好似一对亲姊妹咁，有咩开心唔开心都会讲一大餐。而阿明就话自从阿雅识咗我之后就好似变咗另一个人咁，唔会再好似以前咁，对人咁cool～～～～估唔到我嘅影响力都唔差～～～阿雅就好似我嘅家姐咁，好细心咁照顾我，特别系系嗰段日子，真系好多谢佢！
最后一次见面&&我与阿森阿森系我读高二嘅时候，即系阿明过身无几耐，就约咗我出来。呢次系我最后一次见佢，佢要移民去澳洲。我同佢约咗系M记吃嘢，大家嘅感觉都唔同咗。佢比以前成熟咗，而我系当时嘅情况，就系憔悴。开始嗰时，大家都觉得有D尴尬，不过我哋好快就打破咗呢D气氛。吃完嘢之后，我仲陪佢去咗以前嘅训练场。我哋不停咁讲起以前嘅嘢，感觉时间过得好快，我同佢已经唔系当初嘅细路，对于感情大家都有不同嘅遭遇。离开训练场时，阿森拖住咗我只手，我好出奇咁无feng开佢只手。就系咁，佢一直送到我去屋企附近，先松开只手，好认真咁对我讲，&如果可以嘅话，我真系好想带你走。我唔想见到你而家呢个咁憔悴嘅样，我好想保护你一世！&我无出声，只系笑咗笑。最后，阿森揽住咗我，我同佢讲咗句&我会照顾我自己嫁啦！你会搵到属于你自己嘅幸福&。讲呢句话嘅时候，系我眼角居然会流出温暖嘅液体。好快，阿森就离开咗GZ，飞到另一个国度。而家，我已经无同佢在联络啦！或者咁样对大家都会好！
出国机会或者系由于屋企嘅关系，到现时为止我已经有三次出国机会啦，仲要次次都系去Australia！不过我都reject晒，每次嘅理由都好似系一样咁！Frist Time嗰时我仲读紧小学，已经开始同阿森拍拖啦！我嘅一个系HK住嘅Uncle就建议我爸爸先送我去HK读两年英文，再送我去Australia读书！个Uncle识得人，好容易就可以搞到我出去。妈咪一同我讲，我就say no，but唔系因为阿森。当时，我认为自己身体唔好（我自细个肺就唔多好，四岁嗰时仲因为肺炎住过院，so我嘅身体成日都好弱），出到去无妈咪嘅照顾我一定顶唔顺。再加上我妈咪都唔舍得我啦。就咁我就放弃咗我第一次嘅机会！呢件事我一直无同阿森讲，我自己都唔知点解会无同佢讲！Second Time嗰年我读紧初三，准备升高中。妈咪惊我去唔到D重点高中，就准备叫我出国读书。我Auntie有个系澳洲嘅同学，嗰个Auntie同我妈咪都好熟，而且仲答应我妈咪先照顾我两年，等我稳定咗之后，我就可以出去做part-time，自己养自己。不过嗰时仲同紧阿明，so一直都无俾答复妈咪。我同妈咪讲，想睇埋考出来嘅结果，先再决定。其实就系个借口。直到我上到高二，我同紧阿强拍拖时，个Auntie都好希望我可以去澳洲，我都唔明点解！不过，at last我都选择咗留低，当时就真系为咗阿强。Third Time最后呢次系系我读紧大学，嗰个Anutie好想我出去帮佢打理澳洲嗰边嘅生意。嗰时真系有D心郁嫁。因为阿明件事搞到自己好攰，换个环境可能可以忘记D唔开心嘅嘢，但最后我嘅choose都同一样。原因就系我唔舍得呢度嘅朋友，系佢哋令我可以再次企番起身！而且我觉得自己就算过到嗰边都未必可以放低D唔开心嘅嘢！三次出国嘅机会就咁系我身边刷身而过，好多人都话我唔识珍惜机会。但我谂每个人都有佢自己选择嘅理由。虽然三次嘅理由都唔同，但我自己觉得三次嘅理由都系自己嘅感情造成。无可口非，我系一个非常重感情嘅人。朋友，系我永远觉得最重要嘅一样嘢。如果我身边无晒佢哋，或者我仲系处于嗰个不理智嘅时期。
后记原本唔谂住写后记，但最后都系决定写。其实，今次最主要都系将自己嘅感情事写出来。阿森同阿明，呢两个人物写得比较详细，系因为一个系自己嘅初恋，虽然嗰时无乜感觉；另一个系为自己付出生命嘅人。所以系写佢哋嗰时我都用咗对话去写件事。对话嘅内容其实我唔系咁记得，不过件事就一定无错。迟下我会将个故事未讲嘅嘢写埋出来，希望大家可以捧场！
Part 12 Now重新生活后嘅我，虽然仲会吃烟同饮酒，但心情变咗，因为有龙系身边陪我！我哋经历咗好多嘅第一次！我哋之间嘅点点滴滴我系唔会忘记嫁！有时我都会谂番起以前嘅嘢，仍然会为咗以前嘅嘢喊，但我知道自己已经慢慢咁从嗰个阴影中行出来。逐渐去面对而家嘅生活，唔再生活系以前嘅回忆当中。而家好多时候嘅喊，会为咗一个人&&龙。我好惊佢会离开我，我变得越来越依赖佢！身边嘅朋友都话我变得唔理智，我都好清楚自己嘅改变，但我从来都无谂过改变，就算真系俾机会我去改变，我谂我都会无能为力。Because我已经陷入得好深，就算要我赌晒我嘅青春，我都无所谓。我已经失去咗一个爱我嘅人，我唔想失去一个我爱嘅人，纵使辛苦，但我都会坚持！我好希望我嘅坚持可以有结果！我从来都无为一个男仔做咁多嘢，除咗龙！好多时我都会惊讶自己点解会咁做，或者个main point就系未咗佢！逃课、差几乎记过、miss面试机会and so on，呢一切都出乎我自己嘅估计之外！无可否认，佢亦都付出咗好多。佢嘅每一句说话、动作足以影响我嘅情绪。好多事情都无reason，就好似爱一个人，你会为佢做所有嘅嘢，甚至可以连命都唔要！不知不觉间，我同佢已经四年啦，我会好珍惜佢！好希望我哋仲有好多个四年！我从来无奢望自己会得到真爱，但今次我真系得到咗！我唔清楚系未可以同龙有结果，我希望系有结果，但起码比以前开心！经过咁多嘢，我好明白自己会爱惜身边嘅每一个人，特别系我来之不易嘅爱情，我会珍惜我最爱嘅老公&&龙！我亦都好多谢身边一直支持我嘅朋友！无佢哋嘅支持，可能会无今日嘅Michelle！My love story唔会结束，会因为龙而继续落去！^_^
Part 10 所有嘢都有结束嘅时候系清明之前，阿明嘅Dady搵咗我出去倾计。－Michelle，我哋打算清明之后将阿明嘅骨灰移返去HK，你唔会反对吧？－Uncle，我唔会反对。－咁就好。我有D嘢要交俾你。我接过一本日记簿。－呢本系阿明嘅日记，我谂交俾你系最合适。－哦，唔该Uncle。返到屋企后，我打开本日记簿，里面写嘅全部都系我同阿明嘅嘢，由我哋开始到结束。每一件事都好清晰咁记载住。眼泪将本日记簿滴湿晒。好记得佢最后嘅篇日记系咁写：听晚就可以罗到对戒指啦。好兴奋啊！虽然我知道Michelle嘅心暂时仲未回归到我度，但我相信迟早有一日佢会俾我打动。毕竟我同佢都经历过咁多嘢。简单嘅几句说话，已经将我个心撕裂。我决定将所有嘢都结束。清明嘅某个星期六，我叫咗阿雅同Michael陪我最后一次去拜阿明。－Michael，我有D嘢想单独同阿雅讲，你系出边等我哋啦！－嗯。我点咗三支555摆咗系阿明嘅墓前，自己点咗支Mild Seven。－阿雅，我想将所有嘢结束。而且阿明嘅骨灰都要落罗HK啦！－我唔系好明你意思！呢个时候，我罗出阿明本日记簿放咗系火盆度烧。－所有嘢都好似呢本日记簿咁！我想重新开始过我嘅生活！我哋以后唔好再见面啦！但你永远都系我嘅好朋友，in my heart！－但&&.－我决定咗，我好希望你可以尊重我！－得！但系Michael点啊？你知佢钟意你嫁！－我知！你帮我劝下佢啦！呢个世界仲有好多好过我嘅女仔！如果佢真系爱我，就应该尊重我嘅决定！－好！呢个时候，我揽实阿雅！Sorry，阿雅！第二日，我就约咗Uncle出来，将只戒指俾番佢，希望佢可以将呢只戒指同阿明嗰只摆番落阿明嘅骨灰度。佢哋应该系一对，但我同阿明永远都唔会系一对。Uncle亦都尊重我嘅决定。Michael系去Canada之前，send咗条message俾我！望住蓝天，我好希望Michael可以好似我咁重新生活！所有嘢终于都over了！
Part3& 复合&&再次分开不知不过阿明已经去咗HK三个月啦！系呢三个月里面佢又识咗个新女朋友，我意料中嘅事。我哋仍然都有keep in touch。而我就暂时无再拍拖啦，将D心机摆晒落读书度，因为差唔多中考啦，我唔想令屋企人再次失望。好快又到寒假，寒假意味着过年啦！阿明都会同佢屋企人返来过年。初中嘅最后一个假期，我继续努力温书，但一谂起阿明会返来，就无晒心机，话晒自己都曾经钟意过佢，无理由一段感情真系可以咁快放得低。阿明返咗来之后，都约过我出去，but我次次都罗籍口推佢。因为我唔知见到佢可以讲D乜，虽然我哋系电话度乜都可以讲一餐，但系face对face，有D难度。阿雅都问过我点解，我无同佢解释，或者我自己都唔清楚个原因系咩。我同阿明住系同一条街，想唔撞到真系比较难。结果，我同佢都系～～～～－Michelle边个叫我啊，把声咁熟嘅，无乜边个会叫我英文名啵，唔通系佢？我拧转身一望，果然系佢。－hi，乜咁0岩啊！好耐无见啦！都唔知可以讲D乜好添，好尴尬啊～～～－系啊！约你咁多次出来，你次次都话唔得闲！－无办法啦！Last一个学期了嘛！－衬今日见到你，不如出去行下啦！讲到出口啦，唔去仲可以点啵！无理由避佢成世嫁！－er～～～～～－点啊？又唔得闲啊？－唔系－唔系就得啦！行咯！两条友无无聊聊咁行，又行到去江边！哎，真系发癫！点解又会行到来呢度啊！－不如，我哋去搵个地方坐咯，唔好系江边行咯－点解嗟？呢度几好啊！个view唔错啊！唔通，你仲挂住以前嘅嘢啊？你唔系话你忘记晒了咩？明哥，你真系当我系圣人咩，话忘记就可以忘记咩！讲就容易，做就难啦！况且当时我都有付出！见到个view，所有嘢好似映画戏咁出现系我面前。－做咩唔出声啊？我依然沉默，仲系度回忆紧之前嘅嘢。不经意间，眼角流咗滴眼泪。－Michelle，你无事啊嘛！你唔好吓我啊！边个虾你，你讲我知，我帮你出头！－无事，只系有沙入咗眼！－咁我帮你吹啦！－唔使啦，而家已经无事啦！－走咯，我想去饮嘢！我谂如果我再逗留系呢度嘅话，D眼泪一定忍唔住！－我唔想走住啊！－咁你留系度吹风啦！我无好气咁同佢讲。我转身就想走，点知，俾佢拉住我只手！－我唔想你走－你醒下啦！我哋已经分咗手啦！而且你已经有新女朋友啦！－我无女朋友！－明哥，唔好玩啦！－系真嫁！我系想激你，点知你一D反应都无！－就算你无女朋友，咁又点嗟！－你系未从来都无忘记过以前嘅嘢啊？佢唔讲由自可，佢一讲，我D眼泪就忍唔住了。－记得又点，唔记得又点！我哋已经game over啦！我哋而家只不过系朋友关系。－我唔想我哋净系朋友关系。我好想我哋可以以前咁。你知唔知，离开咗你，我每时每刻都会挂住你，成日以为你会系我身边，但其实你已经离开咗我！虽然每次同你讲电话，我都会好开心，但每当你收线嗰时，我个心真系好痛！我从来都唔会咁对一个女仔，你系第一个！Michelle，我爱你！呢次，系我第一次听到佢讲话爱我！此时，我已经泪流满面啦！佢揽住我，我感受到佢嘅气味，再熟悉不过！就系咁我哋再次系番埋一齐。保持一段有距离嘅咁感情，对于我同佢都系一个考验。寒假过得好快，或者可以讲，开心嘅时刻总系过得好快，阿明再次离开咗我，返番HK，而我亦都继续投入到学业之中。之后，我哋各有各嘅忙碌，思想嘅距离慢慢咁越来越大，不过好似我哋都唔想解决之间嘅问题，宁愿继续保持落去。中考成绩出咗，我都如愿读到高中，不过就唔系咁理想。我都唔知点解会咁，或者系身边嘅人俾我太大压力挂，又或者系本身期望太高，所以得到咁嘅结果，大家都好失望。嗰个暑假，并无太多惊喜，而我同阿明亦都过得好平淡。可能大家都习惯咗呢种关系挂，边个都唔想先讲分手，但有时总有人做主动嘅，好明显嗰个人会系我！嗰日0岩好系元旦，阿明仲放紧圣诞假。嗰朝佢车咗我去吃早餐，but我真系无胃口吃。大家一直都无出声。吃完早餐，就上咗佢屋企，我决定今日要讲清楚。－你觉唔觉得我哋之间嘅距离越来越大啊？－嗯－咁你有无谂过解决办法啊？－你认为可以点解决吖？除非我返来嗟！－我唔会后悔我当时嘅决定！我哋分手啦～～～－我尊重你嘅决定，只要你开心就得啦！阿明讲得好平静，佢亦都无挽留我。由复合到分开，不到一年时间，我哋嘅感情就系咁不堪一击。感情结束后，我将所有精力摆晒落读书度。嗰时，我嘅学业正处于低谷，so我真系要努力。
接上嗰年阿明学校艺术节，佢哋唔好彩抽到签要跳舞。0岩好嗰时Backstreeboy出道无耐，我极度钟意佢哋。阿明同Michael都唔知跳乜舞好，就谂住问我有咩好提议，我谂都无谂就叫佢哋跳Backstreeboy嘅《As long as love me》。嗰只舞真系有D难度嫁，佢哋仲特登搵个练舞室来排舞，我时不时都会过去睇佢哋排舞。有时，我仲会&指点&下佢哋，话晒我都学过几年舞蹈啊！咔咔～～～只舞好成功，佢哋罗咗个第二，虽然唔系第一，但对于佢哋来讲却系好好。罗咗奖之后，阿明佢哋去咗庆祝，我都有去。不过去之前搞咗好多嘢，就系同我装身。好彩阿雅嘅身材同我差唔多，所以我可以着佢嗰D衫，不过鞋就麻烦啦，我对脚咁鬼大，唯有买嗰对。上身一件吊带背心，外加一件七分袖嘅外套，下身系一条超短裙，再加上一对长boot，可以讲我从来都无着成咁，呢次系唯一一次。阿雅惊我坐底嗰时会走光，仲叫我打埋低添&&一条紧身嘅排球裤。着完之后，阿雅仲同我化咗装，虽然系个淡装，但已经显得我好成熟。系镜前面，我根本都认唔出系我自己。阿明见我打扮成咁，开心都乜咁，猛赞我靓女，搞到我鬼咁唔好意思。虽然佢系我男朋友，赞我系好正常，但我着成咁样俾佢赞，始终觉得唔舒服。开头我都唔明，点解要搞咁多嘢，去到先知，原来阿明要介绍我俾佢D所谓&兄弟&识，所以要扮到同我平时唔一样嘅样，费事出街会俾人认到。嗰晚开始嗰时，我哋都玩得好开心，而我自己到嗰时先发觉原来自己系咁饮得。不过，却发生咗一件好唔开心嘅事。当时，我想去W.C.，阿雅本来话同我一齐去，点知俾人扯住饮酒，咁我唯有自己一个人去。其实，我一个人去都无乜所谓，我亦都无谂过会有咩事发生。系W.C.出来，我就俾个好妖艳嘅女人拦住。佢好凶狠咁望住我，好似我得罪咗佢咁。－er，我好似唔识得你哋啵似曾相识嘅对白，我心谂，今次唔系又系嗰D咁嘅争风呷醋女人啊嘛！－你系未阿明条女？－系啊！有问题咩？啪，好响啊！我就咁俾佢煎咗一巴，当然，我唔会就咁就算，起码都要回番个礼俾佢，一脚就伸落佢个肚度。－八婆，系未想撩交打啊？－而家系你撩交打咋－快D还番阿明俾我啊～～－阿明唔系礼物！你有无问过佢本人同唔同意啊！个女人又想一巴煎埋来，不过今次佢只手俾人捉住咗。捉佢只手嘅人系阿明。啪，又一声好响，今次系嗰个女人，打佢嗰个系阿雅。－你癫够未啊？我同你再讲多次，你试下再掂我条女一条毛，你信唔信我叫人搞掂你啊啦！阿明好凶咁对个女人讲。－快D同我lan啊个女人喊住咁离开。阿明望住我，佢嘅眼神话俾我听，佢对我好内疚。我拉住阿雅只手，转身就走，行出间D，－Michelle，我哋去边啊？系未上我度落装啊？－我想去舞室！我要发泄！－咁阿明呢？－唔好理佢啦，我哋打的去啦～～随后，我哋截咗部的就走。的士0岩开嗰时，我见到阿明追出来，但系我唔想见到佢，仲叫个司机开快D。系舞室度，我开咗只安室奈美惠嘅歌系咁跳，跳到个人攰晒，先停咗落来。－心情好D未啊？－好D啦！－佢来咗啦！－但系我仲未想见佢！走咯，去你度落装！－哦！但你行出去，都会见到佢啦！佢就系门口！－见到又点，暂时我仲未想睬佢！－咁你喜欢啦～～～之后，我就返咗阿雅度落装，阿明都跟埋我哋返去。三个人系部的士度无出过声。搞掂晒D嘢之后，阿明就送我返屋企。系路上－对唔住啊！－对咩唔住啵！－今次已经第二次啦！我讲过话唔会再俾人骚扰你，我会保护你！但系我竟然做唔到！我系未好无用啊？－唔好咁讲自己啦！其实，做得你女朋友，我就已经预咗啦！你已经做得好好啦！你为咗我，做咗好多改变。你唔会再好似以前咁成日去蒲，反而留系屋企陪我。你嘅改变，我睇得好清楚。捱嗰一巴都唔算得乜嘢吖！我发泄完就会无事嫁啦～～～阿明好诧异咁望住我。佢估唔到我会咁讲，而我，都唔清楚自己点解会咁讲，或者系酒精嘅作用挂！－不过，我以后只会做番自己。因为我觉得今日嘅自己好唔自然。我谂你会应承我挂！－得，梗系得啦！只要我老婆想点就点啦！－咁就乖啦！至此以后，每次有D咩事庆祝我哋都会系屋企搞，唔会再出去。但阿明都系会去蒲。to be continue...................
接上第一次见佢屋企人系系一个好偶然嘅机会。嗰日，阿明话屋企无人，叫我上去煮嘢俾佢吃。上到佢屋企开门嘅竟然系个女人，搞到我以为自己行错门口添！－请问阿明系唔系度啊？－系度啊！你系Michelle啊？－er，系啊！你系？－佢未系我妈咪咯阿明失惊无神弹咗出来，吓得我啊！系我毫无心理准备嘅情况下，就见到阿明嘅屋企人，我真系好紧张！－Auntie，你好－你好，入来坐啦！－哦，好啊！我bie住阿明，阿明见到咁，即时行埋我身边细我耳仔细细声讲－老婆，唔好嬲啦！我两老今朝突然返咗来，又话想见你，咁未～～－咁你都唔可以呃我嫁，搞到我毫无心理准备啊～～－以后都唔咁啦阿明扮晒可怜咁，我仲边嬲得落吖！跟住阿明又介绍佢老豆俾我识－老豆，呢个就系Michelle啦－Uncle，你好－你好，坐啦－好啊～～～之后，我就同阿明屋企人吃咗餐饭，我觉得佢哋都好nice，好容易相处！睇得出，佢两老都好钟意我！^_^to be continue...............
接上有日，我照常去佢屋企温书。不过，发觉阿明今日心情特别好，唔知佢点解会咁，我问极佢都唔讲。问问下我就开始发脾气。阿明最惊我发脾气，我一发脾气，佢就S梗！咔咔～～～－你系唔讲啦嘛～～－&&&－好，你好嘢！你快D同我S开啊！－老婆，唔好咁啦！－边Q个得闲做你老婆啊！－好啦，你唔好嬲啦！我讲啦！你眯埋对眼先啦！－又话讲，而家又叫人眯埋对眼。咁矛盾嫁你！－求下你啦！－好，就信你一次咁多－老婆，你ma大对眼啊～～原来系条傻佬买咗BP机俾我，怪唔知得扮晒神秘咁啦！嗰时0岩0岩兴起BP机，一部机入埋台都几贵下嫁！－发癫啊你，买D咁贵嘅嘢俾我！虽然我好开心，不过都唔可以就咁放过佢！我系佢嘅克星，咔咔～～～－er～～～咁人哋谂住有部BP机，可以容易搵到你啊嘛！你知我又唔可以打电话俾你啵，而家有部机，我就可以留言俾你啦嘛！－听落又好似几有道理啵～～～－梗系啦！你睇下我几锡你吖！－系啦，知你锡我啦～～嘻嘻～～虽然我系收咗部机，不过对于我来讲就真系每日听佢系call台俾我嘅留言，无乜用处，但起码每日都可以听到个傻佬把声。to be continue................
接上阿明系出来玩嘅人，我做得佢女朋友，就预咗好多嘢我都唔可以理，我好清楚佢心里面有我就ok。我都唔知点解当时自己会咁谂，但我觉得咁做，对我同佢都好，我唔想因为拍拖而搞到任何人嘅生活有变化。就算佢出面有女人，我都唔在乎，可能越系因为咁，阿明就越少出去玩。嗰时我屋企仲好严，加上妈咪同级长好熟，so我唔会俾阿明去学校接我，而且阿明都唔想出面嘅人知道我系佢条女，惊D人会搵我搞事。我同阿明就好似D明星咁发展所谓嘅&地下情&，只有佢嘅两个fan知，一个系佢细佬Michael，一个系佢嘅老S阿雅。而我亦都无将呢件事话俾我任何一个朋友知。系学校总有我好多传闻，每一件我都一笑而过，我唔想澄清，咁样就可以掩饰到我同阿明嘅恋情。同阿明相处好好，佢乜都会就我，我哋见面时间唔多，但我哋都好珍惜。一有时间我会去佢屋企，有时系去温书、有时系去做功课，而阿明都好识做，好多时都静静咁系身边陪我！to be continue.....................
接上有日学校提前放学，因为乜我就唔记得啦。返咗屋企后，我就去咗附近买文具嘅铺头买嘢。返屋企嗰时，系附近嘅某条好黑嘅巷仔度，我面前突然出现咗三个女仔，拦住咗我。佢哋都着住校服，样就唔系好丑嘅，不过就好S恶，好似想吃人咁。－0靓妹，未行住。其中一个比较矮嘅女仔对住我好大声咁喝我－好似我唔识你哋啵，点解要听你讲先我无好气咁同佢讲。我心谂：你都癫嘅，你系乜水啊？我要听你讲，未傻啦你！－你系唔听啊嘛！另外一个女仔同头先讲嘢嗰个女仔开始扯我件衫－好了啵，未咁过分啵！我同你哋三九唔识七，你哋凭咩咁做啊？我好嬲咁对住佢哋大嗌，一手就ong开嗰两个女，真系唔发火就当我系病猫。我知我今次可能都几难甩身，不过唔知咩事，莫非点错相，唔系咁黑啊嘛。－有乜就讲，使唔使郁手郁脚啊～～～－你系未阿明条女？嗰个一直都无出声嘅女仔终于出声，原来主角系佢。不过佢D语气好恐怖，好阴深。－唔系。咁我走得啦！我好镇定咁讲，事实亦都如此。原来系D无聊女人系树争风呷醋。我谂住无事就行，点知，嗰两条咖哩啡一齐出手，一嘢推咗落我度。呢一嘢我谂唔到，或者我太天真，以为答完就无事。－咁你哋想点吖，我都答咗唔系咯，你唔信未问佢本人咯！我好嬲，谂住继续同佢哋反抗，不过一对三，好明显我输咗一大截。不过我份人咁好胜，所以我唔可以输。－如果你唔系佢条女，点解佢呢排会唔睬我啊？主角好嬲咁问我，同时我发觉佢对眼开始有D红。－你都痴线嫁！你想知点解未直接问佢啦！关我Q事啊～～～此时，矮嗰个咖哩啡想一把煎落我度，不过我手快，一嘢抓实佢只手－八婆，想点啊！系未想单挑吖？我都唔知点解自己会咁讲，亦都唔知自己边树来咁嘅勇气讲。可能谂住横掂都要S，不如罗D声势吓下佢哋都好嫁。－你都好串啵。主角用充满怒气嘅眼神望住我，好似想吃咗我！跟住一嘢就ong咗我落地下。原来地下已经有嘢等紧我，就系玻璃，好彩我睇到，用咗右手落地，不过都系介得好深。－我要你知道流血系咩滋味主角咬牙切齿咁同我讲，嗰两个咖哩啡见我坐咗系地下，就想一人一脚踩落我度。正系呢个时候，有把声震住咗佢哋。－你哋做咩啊？我随着声源望过去，原来系阿明！点解佢会系度嘅！呢个衰人，今次俾佢累S。嗰三个女人见到佢，即时收晒声。－点解你会系度嘅？主角把声非常震～～～－点解会系度，你问下你自己啦！阿明好嬲，一边讲一边扶我起身。－你系未因为佢，所以唔睬我啊？主角好唔服气。阿明望都无望佢，扶咗我起身准备走。呢个时候主角拉住阿明只手，但阿明好大力咁fing开咗佢。－系未要我煎你一巴你先肯走啊？我以后都唔想见到你，你即刻同我消失！我从来都未见过阿明发咁大火，好似想吃咗个主角咁。主角喊住咁俾嗰两个咖哩啡拉走咗。呢个时候，我先觉得只手好痛啊，痛到我几乎想流眼泪啊！阿明孟咁同我say sorry，我系个心软嘅人，见到佢咁，我都无咗嬲佢嘅意思了。－不如上我屋企，我帮你洗下个伤口啦阿明对住我，转咗用好温柔嘅语气同我讲－唔使啦，我返屋企自己搞掂啦！费事俾你D女朋友见到，我有9条命都唔得啦！虽然我个心系唔嬲，但我唔想俾佢知道我原谅咗佢，语气上仲系扮到好嬲。－唔好咁啦！我都唔知佢会搵你嫁！我一知道就已经周街搵你啦！S啦，发觉自己居然唔知道可以答佢乜添。－就等我帮你洗伤口啦，就当系少少补偿啦！－咁你未好发达，边树可以便宜咗你啊～～～阿明听到我咁讲，就知道我会无事－咁你点话点好，听晒你话啦！－那，你话嫁，唔好nai猫啊～～～－得，无问题。就系咁，我就上咗阿明屋企洗伤口。原来佢系一个人住嘅，两老都系HK做嘢。我系一个非常怕痛嘅人，阿明帮我洗伤口嘅时候，我就系咁抓实佢只手臂，搞到佢手臂红晒。尽管阿明好小心咁帮我洗，但我仍然觉得好痛，可能系俾D药水la亲，觉得更加痛。系洗伤口嘅同时，我觉得阿明嘅眼神流露出一阵忧愁。－你无事啊嘛？－er～～～～～－系未fan先，系就讲俾我听啦！我望实阿明，好想系佢双眼度睇到某D嘢。不过，我乜都睇唔到。佢拧转身，－我钟意你！－下？唔系啊嘛！明哥，你唔好咁玩啦！你今日系未受咗刺激嗟！我谂住阿明讲笑，所以求其讲D嘢。不过听见佢咁讲，自己觉得好开心，又好似有D心动嘅感觉！－我系认真嫁！你可唔可以做我女朋友啊？－唔好玩我啦，明哥！撞鬼啦，失惊无神问句咁嘅嘢，点答你啵，大哥！－夜啦，我都要返屋企啦。屋企人会担心我！呢个时候，梗系走得快好世界啦！点知，佢拉住我只手！－唔好走！我真系好钟意你！阿明嘅眼神好温柔，望住佢我失晒神。Michelle，冷静。冷鬼到咩，成块面都红晒，个心又跳得鬼咁快。我唯有唔出声！阿明见我唔出声，一嘢就揽实我－俾我照顾你，好唔好？我唔会再俾你受伤！此时嘅阿明好似个细路咁，我仲点拒绝到啵！不过，我仲系有理智嘅。挣扎开阿明嘅怀抱－你话你钟意我，俾个你钟意我嘅理由我！－好！其实，由你开始系街到学踩单车，我就留意你啦！不过你唔知咋！后来，识咗你之后，觉得你好开朗，成日都钟意笑。个人仲好好倾，我好少同女仔咁好倾嫁！我望住佢，都唔知可以讲D乜！原来佢一早就留意自己，自己仲懵性性！－我又唔靓女，而且而家仲剪咗短头发啵～～～嗰时学校规定女仔一定要剪短发，搞到我剪咗留咗差唔多3年嘅长发，真系无人性嫁！-_-－咁又点嗟，我钟意系你个人又唔系你个样啊！况且你咁有性格！－er～～～咁～～～&佢好心急咁望住我，好想知道个答案。－其实，我都有留意你，不过我无你咁耐。每日你踩车经过我屋企楼下，我都好自觉咁望下你。有时仲教正时间去撞你添！突然转咗个话题，佢居然变得好开心！－我知啊！不过我唔想咁快识你这麽！惊吓亲你！－下？乜你咁嫁！咁你而家够吓亲我啦！唔制啊～～～～－哈哈哈～～咁你即系都承认钟意我啦！－嗯～～－好嘢～～～－傻猪来嫁～～阿明再次揽住我，我feel到佢个内心系好孤独，好想有个人关心佢，而我都好乐意去做好呢个角色。－我送你返去啦！－唔使啦！咁近！而且你屋企个阳台都望到我屋企啦！－咁又系！咁我送你落楼下啦！－嗯就咁，我同阿明开始咗。我好期待新恋情嘅开始，但原来美丽嘅嘢都有佢黑暗嘅一面！to be continue....................
接上有日训练完之后，轮到我要执波返波室。本来叫咗个fan等埋我先走，点知条友有事要走先，搞到无人陪。嗰日个天又唔知做乜好快就黑咗，加上个训练场又无灯啵，搞到我几鬼惊啊！呢个时候森出现系我面前。我呆咗呆，跟住就一轮嘴咁问佢，－师兄，你唔系走咗了咩？返来做咩啊？唔记得罗嘢啊？－哗～～～你使唔使一次过提咁多问题啊～～－唔得咩？唔答未算咯～～～我继续执我嘅波－得，咩都得啊～～～我返来帮你执波嫁～～～－我无听错啊嘛！师兄转性啊？帮我执波？我笑住咁讲－乜你咁讲我嫁，唔帮你执啊啦！森有D嬲，不过睇得出佢系扮嬲－师兄，未咁小气啦，我同你玩下这麽～～～听到森话唔帮我执，我即时嘟长个嘴，嗰日真系好多波执啊，如果要我一个人执都唔知要执到几时－未咁啦，讲笑咋，快D执啦～～～－收到～～～咔咔～～～～－傻妹来嫁～～～我哋一边执波一边倾计，好快就将D波搞掂晒啦。临走前－惠，我送你返屋企啦～～～－唔使啦，呢度好近我屋企。话晒我都系呢附近长大，眯埋眼都识行返去啦！－而家个天又咁黑，你一个女仔返去，唔系咁安全！－真系唔使呢～～～－我话要就要啦～～～森好恶咁对我讲－咁是但啦～～～我非常之唔满意咁答佢－你嬲啊？森突然变得好温柔咁问我－你话呢～～我无好气答佢，心谂：你都问得好废嗟－唔好嬲啦！我真系好紧张你嫁！我feel到有D唔正常，所以索性唔出声。我哋行咗一段路之后，森终于仍唔住开声讲嘢。－其实，你觉得我点啊？－师兄一个咯！打波几叻咁咯！对人都几好！不过就乱对人发脾气！我就系咁有嗰句就讲嗰句。－我边有对人乱发脾气啫？－仲话无，头先先发完我脾气～～～－我都系紧张你嗟！－我又唔系你边个，你唔使咁紧张挂～～～突然觉得自己好似讲错嘢咁，dup低咗个头－因为我钟意你，所以会紧张你、担心你！我第一眼见到你，就钟意咗你啦！森讲得好认真，而且讲嗰时好自然－师兄，唔好玩啦！此时，我发觉自己个心跳得好快，面都红埋。我都系第一次听到人哋对我表白，一时之间唔知应该俾D咩反应佢好。－我唔系玩嫁，我好认真嫁！我从来都未试过钟意一个女仔，你系第一个！森抓住我对手，惊我会走咁－你俾D时间我考虑下啦！你叫我点即时答你啵！－好，我等你！跟住我哋大家都无再出声，我行得越来越快，好想快D离开呢个尴尬嘅局面。终于到咗屋企门口。临上楼前，森再次提我考虑下！嗰晚我真系辗转难眠，虽然觉得开心，但系好惊我一拍拖，我D成绩就会下降，所以好矛盾，唔知应该点做好。第二日，上完一日嘅课，由于唔使去训练，so可以早D返屋企休息下。但系一谂到森嗰件事，我个心就罗罗乱，但系又唔知同边个讲。当时我系班干，班里面几乎全部都系4+4，虽然大家表面上都会好好，但私底下好多人都系度互踩。所以呢件事都系我自己解决算啦。不过，今日唔使见阿森，咁可以迟D先算啦。一边行返屋企我仲一边庆幸自己见唔到森。点知，当我行到屋企附近～～～～－惠～～～～把声咁似森嘅，唔系咁斜啊嘛，我心谂。一拧转身就见到阿森企系我面前，吓咗我一跳！－师兄？点解你会系度嘅？－系度等你咯！森笑笑口咁讲。－等我？有事搵我啊？我一于扮无知。－你话呢？唔好扮无知啦～～～－乜咁都俾你睇穿嫁！都唔好玩嘅！我拧转身就想走。－我唔系玩嫁，我好认真嫁！森一嘢就抓住我只手，此时，我个心跳得特别快。我见真系走唔到，唯有面对啦！－咁我真系唔知点答你啊嘛！－你觉得我对你唔够好啊？－唔系，只不过我未拍过拖，唔知应该点做嗟！我越讲越细声，仲dup低埋个头添，我发觉自己块面越来越红。－咁我够系第一次钟意女仔，同女仔表白啦！未住先，你咁讲即系应承做我女朋友了啵！－er～～～～系挂～～～～－乜答得咁勉强嫁？森定晒神咁望住我，搞到我真系想搵个隆卷。－咁未应承咯。我笑住咁答佢－好嘢！多谢你啊～～～森顿时高兴到好似个细路咁－多谢咩啵－多谢你俾个机会我照顾你、保护你咯～～～－嘻嘻～～～～－我听朝过来接你返学啦～～－唔好啦！你又唔系同我一间学校，费事咁麻烦啦！而且俾人见到我就S得啦～～～－咁又系，你屋企嗰老豆确实又几恶嘅！森之前系训练场见过我老豆，觉得佢几凶神恶煞－我去训练，你未见到我咯，死蠢！－乜你咁话人嫁！森即时扮到好嬲咁～～～－未咁小气啦！我都应承咗做你女朋友咯！如果你系咁，我就收番嫁啦！－唔好啊！我以后都唔敢啦～～～－咔咔～～～咁就得啦！我要走啦，夜返去又会俾人话啦！－嗯，咁好啦！－88，师兄－要改口啦～～～－嘻嘻～～～～―88，森―88，惠随即森系我额头锡咗啖，搞到我块面又红晒。就系咁，我同森开始咗。我哋嘅见面时间就只有训练嗰时，虽然系咁但我哋大家都无埋怨过，同佢系埋一齐我哋无吵过架，过得好开心、好平静。直到我哋要分开嘅时候。to be continue。。。。。
Part 1 初恋讲真而家叫我回忆起我嘅初恋真系好有难度。因为实在太平淡+平静啦！记得当时我读紧五年级，入选咗学校嘅篮球队。系省篮球队嘅教练来我哋小学拣后备球员时，我好顺利咁就入选咗。&顺利&系因为我老豆同省队嘅教练好熟，可以讲嗰D教练我都识，佢哋由细睇到我大。虽然嗰时我妈咪唔系咁钟意我打波，but系老豆嘅游说下，都勉强咁同意我加入省队。我当时真系好钟意打篮球嫁，不过事隔咁多年，已经唔系咁识打咯～～～嘻嘻～～～至于我嘅初恋男友就系省队嘅师兄&&阿森，佢大我一年。第一次见阿森系系第一次去省对训练果时。教练同我哋简单咁介绍咗阿森，以后一般嘅训练，我哋跟住阿森做就得啦！我同我个fan都系度估阿森会唔会好恶S，因为佢个样望落去都几严肃下，点知佢居然对人好好，经常俾D休息时间我哋，唔似隔离team，无休息时间。有一次，因为早上落雨，所以我就着咗对凉鞋去返学。嗰时好兴落雨着凉鞋，而家谂落好鬼凉。下昼去到省队训练场，我先发觉自己唔记得带多对波鞋去换，呢晕真系大祸。教练之前都同我哋讲过，打波一定要着波鞋或者布鞋，如果无着，就要赤脚训练。加上上次训练嗰时，我个fan又系唔记得带波鞋，唯有赤脚，训练完对脚又邋遢又痛。睇来今次我都系要赤脚训练啦！就系呢个时候，阿森出现系我面前。－惠，你企系度做咩啊？－无啊，唔记得带波鞋来换啊！&咁你着几码啊？&38咯！&乜你对脚咁大嫁？森笑住咁同我讲。本来已经烦紧无带波鞋，而家仲要俾人笑，早知就唔鬼话俾佢听我着几码啦！真系激气啊～～～&唔通对脚大都有错咩？行开啦，我入去训练啦！费事训练迟到，要罚我跑球场啊！我嬲暴暴咁对森讲，讲完就准备向训练场方向跑。&未跑住先啦！森一嘢就拉住我只手&师兄，你又想点啊？我开始有D发孟怎啦～～～&我帮你借对鞋啦，你系度等我一阵啦！&我咁大只脚，边有鞋0岩我啵！&或者有呢，你等我一阵。话口未完，森已经跑咗去球场果边啦。过左5分钟左右，森罗住对波鞋跑咗过来。－唔该师兄！我一边着一边讲&唔使客气！－咁我走先啦！我入到训练场时，教练已经开始点紧名，不过好彩未点到我。自从嗰次之后，我同森越来越熟。&to be continue.......
访问统计：